சமந்தாவின் 'ரங்கஸ்தலம்' சென்னை வசூல் எப்படி?
- IndiaGlitz, [Monday,April 02 2018]
கோலிவுட் திரையுலகம் கடந்த ஒரு மாதமாக வேலைநிறுத்தம் செய்து வருவதால் சினிமா ரசிகர்கள் அதிருப்தியில் இருந்த நிலையில் கடந்த வெள்ளியன்று சமந்தா நடித்த 'ரங்கஸ்தலம்' திரைப்படம் ஒரு ஆறுதலாக இருந்தது.
ராம்சரண்தேஜா, சமந்தா, பிரகாஷ்ராஜ், ஜெகபதிபாபு, ரோஹினி ஆகிய தமிழ் ரசிகர்களை கவர்ந்த நட்சத்திரங்கள் நடித்த ரங்கஸ்தலம், வெகுநாட்களுக்கு பின்னர் சென்னை திரையரங்குகளை ரசிகர்களால் நிரப்பியது. இந்த படம் கடந்த வாரயிறுதி நாட்களில் சென்னையில் 15 திரையரங்க வளாகங்களில் 219 காட்சிகள் திரையிடப்பட்டு ரூ.69,96,555 வசூல் செய்துள்ளது. மேலும் திரையரங்குகளில் 90% பார்வையாளர்கள் இருந்தனர் என்பதும் குறிப்பிடத்தக்கது.
கோலிவுட் ஸ்டிரைக் இப்போதைக்கு முடியும் நிலை இல்லை என்ற சூழல் தெரிவதால் இந்த படம் இன்னும் ஒருசில நாட்களுக்கு வசூலை குவிக்கும் என்று எதிர்பார்க்கப்படுகிறது.