రవితేజ హీరోయిన్ వైపే మొగ్గు చూపుతున్న రామ్
- IndiaGlitz, [Sunday,April 29 2018]
ఎన‌ర్జిటిక్‌ స్టార్ రామ్ హీరోగా పి.ఎస్.వి. గ‌రుడ‌వేగ చిత్రంతో ద‌ర్శ‌కుడిగా మంచి గుర్తింపు తెచ్చుకున్న ప్రవీణ్ సత్తారు దర్శకత్వంలో ఓ సినిమా రూపొందుతున్న సంగ‌తి తెలిసిందే. ఈ చిత్రాన్ని శ్రీ స్రవంతి మూవీస్ పతాకంపై స్రవంతి రవి కిషోర్ నిర్మించనున్నారు. ఇటీవ‌లే లాంచ‌నంగా ప్రారంభ‌మైన ఈ సినిమా.. వచ్చే నెల నుంచి రెగ్యులర్ షూటింగ్ కూడా జరుపుకోనుంది.
ఇదిలా ఉంటే.. ఈ సినిమాలోని క‌థానాయిక పాత్ర కోసం ర‌క‌ర‌కాల పేర్లు వినిపించినా.. తాజాగా మాళవికా శర్మను ఎంపిక చేసినట్టు తెలుస్తోంది. అధిక భాగం ఫారిన్‌లో షూటింగ్ జరుపుకోబోయే ఈ చిత్రానికి ఎక్కువ కాల్ షీట్స్ అవసరం పడతాయి కాబ‌ట్టి స్టార్ హీరోయిన్‌లతో ఈ కాల్ షీట్స్ సర్దుబాటు విషయంలో సమస్య తలెత్తే అవకాశం ఉండడంతో.. చిత్ర బృందం మాళవికపై దృష్టి సారించినట్టు తెలుస్తోంది.
అయితే.. మరి కొద్ది రోజుల్లో ఈ విషయంపై క్లారిటీ రానుంది. ఇదిలా ఉంటే.. ప్ర‌స్తుతం మాళవిక ‘నేల టిక్కెట్టు’ సినిమాలో రవితేజ సరసన ఆడి పాడనున్న విషయం తెలిసిందే.