కిరిక్ పార్టీ సినిమాతో క‌న్న‌డ నాట సంచ‌ల‌నం సృష్టించింది ర‌ష్మిక మంద‌న్న‌. ఆ సినిమా కేవ‌లం క‌న్న‌డ సీమ‌లోనే కాదు తెలుగు ప‌రిశ్ర‌మ‌లోనూ ర‌ష్మిక‌కి అవ‌కాశాలు క‌ల్పించింది. ప్ర‌స్తుతం ఈ ముద్దుగుమ్మ నాగ‌శౌర్యతో ఛ‌లో చిత్రం చేస్తోంది. అలాగే అర్జున్ రెడ్డి క‌థానాయ‌కుడు విజ‌య్ దేవ‌ర‌కొండ‌, ప‌రుశురామ్ కాంబినేష‌న్‌లో వ‌స్తున్న గీతాగోవింద‌లోనూ క‌థానాయిక‌గా న‌టిస్తోంది.

తాజాగా వినిపిస్తున్న క‌థ‌నాల ప్ర‌కారం.. ర‌ష్మిక‌కి మ‌రో మంచి ఆఫ‌ర్ ద‌క్కింద‌ని తెలిసింది. రామ్ క‌థానాయ‌కుడిగా త్రినాథ రావు న‌క్కిన ద‌ర్శ‌క‌త్వం వ‌హిస్తున్న చిత్రంలో ఓ హీరోయిన్‌గా న‌టించే ఛాన్స్ ర‌ష్మిక కొట్టేసింద‌ని స‌మాచార‌మ్‌. ఇప్ప‌టికే ఈ సినిమా విష‌యంలో కీర్తి సురేష్‌, నివేదా థామ‌స్‌, అనుప‌మ ప‌ర‌మేశ్వ‌ర‌న్ వంటి పేర్లు వార్త‌ల్లో వినిపించిన సంగ‌తి తెలిసిందే. మ‌రి ర‌ష్మిక కూడా వార్త‌ల‌కే ప‌రిమిత‌మ‌వుతుందో లేదంటే రామ్ స‌ర‌స‌న న‌టించి మురిపిస్తుందో తెలియాలంటే కొన్నాళ్లు ఆగాల్సిందే.