తాను ఇక ట్వీట్స్ చేయ‌న‌ని చెప్పిన రామ్ ఆ మాట చెప్పి ఇర‌వై నాలుగు గంట‌లు గ‌డ‌వ‌క ముందే ట్వీట్ పెట్టారు. ర‌మేశ్ హాస్పిటల్స్ వ్య‌వ‌హారంపై గ‌త రెండు రోజులుగా రామ్ ట్వీట్స్ పెడుతున్న సంగ‌తి తెలిసిందే. స్వ‌ర్ణ ప్యాలెస్‌లో జరిగిన అగ్ని ప్ర‌మాదంపై రామ్ ర‌మేశ్ హాస్పిట‌ల్స్‌ను స‌పోర్ట్ చేస్తున్న సంగ‌తి తెలిసిందే. ఈ క్ర‌మంలో త‌మ బంధువుల‌ను కాపాడుకోవ‌డానికి హీరో రామ్ త‌ప్పుడు ఆరోప‌ణ‌లు చేస్తున్నార‌ని.. ఆయ‌న‌కు నోటీసులు ఇస్తామంటూ స‌ద‌రు కేసు విచారిస్తున్న పోలీస్ ఆఫీస‌ర్ ఇన్‌డైరెక్ట్‌గా వార్నింగ్ ఇచ్చారు.

ఈ వ్య‌వ‌హారం స‌ద్దుమ‌ణ‌గ‌క ముందే హీరో రామ్ కుల ప్ర‌స్తావ‌న చేస్తూ ట్వీట్ చేయ‌డం గ‌మ‌నార్హం. ‘‘నా ప్రియ సోదర సోదరీమణులారా!!.. కులం అనే జ‌బ్బు క‌రోనా కంటే వేగంగా వ్యాప్తి అవుతుంది. చాలా ప్ర‌మాదక‌ర‌మైన అంటువ్యాధి. కాబ‌ట్టి జాగ్ర‌త్త‌గా ఉండండి. మిమ్మ‌ల్ని ఇందులోకి ఎంత బ‌లంగా లాగ‌డానికి ప్ర‌య‌త్నించినా మీరు బ‌లంగా నిరోధించండి’’ అని తెలిపారు హీరో రామ్‌.

ఈ వ్య‌వ‌హారంపై అటు ప్ర‌భుత్వం ఇటు ర‌మేశ్ హాస్పిట‌ల్స్‌, స‌ద‌రు హాస్పిట‌ల్స్ త‌ర‌పున హీరో రామ్ ఒకరిపై ఒక‌రు ఆరోప‌ణ‌లు చేసుకుంటున్నారు. మ‌రి ఈ గొడ‌వ ఎంత వ‌ర‌కు వెళుతుందో తెలియ‌డం లేదు.

To my dearest Brothers & Sisters.. This Disease called CASTE spreads faster than Corona & is even more Contagious & Dangerous..Stay away from these silent spreaders no matter how hard they try to Pull you or Push you into it!

Stay Together For the Greater Good! ✊

Love..#RAPO

— RAm POthineni (@ramsayz) August 17, 2020