`ఇస్మార్ట్ శంక‌ర్‌`తో ఈ ఏడాది డైరెక్ట‌ర్ పూరి జ‌గ‌న్నాథ్ బ్లాక్ బ‌స్ట‌ర్ హిట్‌ను అందుకున్నారు. అలాగే, హీరో రామ్‌కి ఈ చిత్రం కెరీర్ బెస్ట్ హిట్ మూవీగా నిలిచింది. త‌న కెరీర్ బెస్ట్ మూవీ ఇచ్చిన డైరెక్ట‌ర్ పూరి అంటే హీరో రామ్‌కి ప్ర‌త్యేక‌మైన అనుబంధం ఏర్ప‌డింది. ఈ సంద‌ర్భంగా ఆయ‌న పుట్టిన‌రో్జు(సెప్టెంబ‌ర్ 28)న రామ్ ప్ర‌త్యేక‌మైన విషెష్ చెప్ప‌డంతో పాటు ఆయ‌న‌కొక థ్రిల్లింగ్ గిఫ్ట్‌ను పంపాడు. అదేంటో తెలుసా? గోల్డ్ ఫాంట‌మ్ స్పీక‌ర్‌. వైర్‌లెస్ బెస్ట్ స్పీక‌ర్‌. దీని విలువ మూడు ల‌క్షలు పైగానే ఉంది. ఈ స్పీక‌ర్‌ను బ‌హుమ‌తిగా అందుకున్న పూరి జ‌గ‌న్నాథ్ `ల‌వ్ యు రామ్` అంటూ త‌న సంతోషాన్ని వ్య‌క్తం చేశాడు. `ఇస్మార్ట్ శంక‌ర్‌` సినిమా టైటిల్ సాంగ్‌ను వింటూ పూరి ఎంజాయ్ చేసే వీడియో తీసిన చార్మి దాన్ని ట్విట్ట‌ర్‌లో పోస్ట్ చేశారు.

పూరి ఆర్థిక సాయం..

ద‌ర్శ‌క‌త్వ శాఖ‌లో కీల‌కంగా వ్య‌వ‌హ‌రించే 30 మంది కో డైరెక్ట‌ర్స్‌కి ఒక్కొక్క‌రికీ రూ.50 వేలు చొప్పున ఆర్థిక సాయం చేశారు. ఈ సాయాన్ని తాము కంటిన్యూ చేయాల‌నుకుంటున్నామ‌ని `ఇస్మార్ట్ శంక‌ర్‌` నిర్మాత‌ల్లో ఒక‌రైన చార్మి తెలిపారు. ప్ర‌స్తుతం పూరి త‌న‌యుడు ఆకాశ్‌పూరితో `రొమాంటిక్‌` సినిమాను నిర్మిస్తున్నాడు. అలాగే మ‌రో ప‌క్క విజ‌య్ దేవ‌ర‌కొండ సినిమా కోసం స్క్రిప్ట్‌ను సిద్ధం చేస్తున్నాడు. ఈ సినిమాను పూరి డైరెక్ట్ చేస్తూ చార్మితో క‌లిసి నిర్మించ‌నున్నారు. వ‌చ్చే ఏడాది జ‌న‌వ‌రిలో సినిమా సెట్స్ పైకి వెళ్ల‌నుంది.