రామ్ సాయి గోకులం క్రియేషన్స్ 'ఆకలి పోరాటం'
- IndiaGlitz, [Saturday,December 02 2017]
గంగాధర్, రేణుక, హరీష్ వినయ్, హారిక హీరో, హీరోయిన్ లుగా రామ్ సాయి గోకులం క్రియేషన్స్ వారు ఆనంద్ సాగర్ దర్సకత్వం లో నిర్మించిన చిత్రం ఆకలి పోరాటం ఈ వారం లో రిలీజ్ కి సిద్దమవుతుంది.
ఈ సందర్భంగా నిర్మాత వీర రాఘవులు మాట్లాడుతూ "మా చిత్రం ఆడియో ఇటీవల రిలీజ్ అయ్యి మంచి విజయాన్ని సాధించింది. ఈ సందర్భంగా మా ఆనందాన్ని తెలియజేస్తూ మా చిత్రాన్ని ఈ నెల ఎనిమిదవ తేదీ న రిలీజ్ చేస్తున్నాము. ఈ చిత్రాన్ని మా డైరెక్టర్ ఆనంద్ సాగర్ గారు బాగా తీశారు. అవుట్ ఫుట్ బాగా వచ్చింది. మా చిత్రం అన్ని వర్గాల ప్రేక్షకులని ఆకట్టుకుంటుందని మా నమ్మకం" అన్నారు.
దర్శకులు ఆనంద్ సాగర్ గారు మాట్లాడుతూ "మంచి చదువులు చదువుకుని ఉద్యోగాల కోసం ఎదురుచూడకుండా వారి తెలివి తేటలతో వాళ్ళ జీవితాలని చక్కదిద్దుకొని చిన్న వ్యాపారంతో మొదలు అయ్యి పైకి ఎదుకుతున్న వారి జీవితాలలోకి విలన్ ఎంటర్ అయ్యి వారిని ఇబ్బందులు పెట్టి, పోలీస్ కేసులు బనాయించిన వైనం, వాటి నుంచి తప్పించుకుని జీవితాలలో స్థిరపడిన వైనమే మా చిత్ర కథ. చిత్రం అందరి మన్ననలు పొందుతుందనే విశ్వాసంతో వున్నాము" అని తెలియజేసారు.