முன்னாள் தலைமைச்செயலாளர் ராம்மோகன ராவ் மருத்துவமனையில் திடீர் அனுமதி.
- IndiaGlitz, [Saturday,December 24 2016]
தமிழகத்தின் தலைமைச்செயலாளராக இருந்த ராம்மோகன் ராவ் வீடு மற்றும் அலுவலகத்தில் சமீபத்தில் வருமான வரித்துறையினர் சோதனை நடத்தியதில் கோடிக்கணக்கில் கணக்கில் வராத பணம், தங்க நகைகள் மற்றும் முக்கிய ஆவணங்கள் கைப்பற்றப்பட்டது. அதுமட்டுமின்றி அவர் தலைமை செயலாளர் பதவியில் இருந்தும் தூக்கியடிக்கப்பட்டார்.
இந்நிலையில் இன்று காலை திடீரென ராம மோகன்ராவிற்கு உடல்நலக் குறைவு ஏற்பட்டுள்ளதாகவும், சிகிச்சைக்காக அவர் சென்னை போரூரில் உள்ள ராமச்சந்திரா மருத்துவமனைக்கு அனுமதிக்கப்பட்டுள்ளதாகவும் செய்திகள் வெளிவந்துள்ளது.
அவருக்கு மருத்துவமனையில் அவசர சிகிச்சை பிரிவில் சிகிச்சை அளிக்கப்பட்டு வருவதாகவும், ஆனால் அவருக்கு எந்த மாதிரியான உடல் நலக்குறைவு ஏற்பட்டது, என்னென்ன சிகிச்சைகள் தரப்பட்டு வருகின்றன போன்ற தகவல்கள் வெளிவரவில்லை என்பது குறிப்பிடப்பத்தக்கது.