హైప‌ర్‌, ఉన్న‌ది ఒక‌టే జింద‌గీ ఫ‌లితాల‌తో నిరాశ‌పడ్డ యువ క‌థానాయ‌కుడు రామ్‌.. త‌దుప‌రి చిత్రాల విష‌యంలో ఆచితూచి అడుగులు వేస్తున్నారు. ప్ర‌స్తుతం ఆయ‌న త్రినాథరావు న‌క్కిన ద‌ర్శ‌క‌త్వంలో హ‌లో గురు ప్రేమ కోస‌మే చేస్తున్న సంగ‌తి తెలిసిందే. అనుప‌మ ప‌ర‌మేశ్వ‌ర‌న్ క‌థానాయిక‌గా న‌టిస్తున్న ఈ చిత్రాన్ని ప్ర‌ముఖ నిర్మాత దిల్ రాజు నిర్మిస్తున్నారు.

ఇదిలా ఉంటే.. పి.ఎస్‌.వి గ‌రుడ‌వేగ 126.8ఎం ఫేమ్ ప్ర‌వీణ్ స‌త్తారు ద‌ర్శ‌క‌త్వంలో  రామ్‌ ఓ సినిమా చేయనున్న సంగ‌తి తెలిసిందే. ఈ చిత్రంలో కాజ‌ల్ అగ‌ర్వాల్ క‌థానాయిక‌గా న‌టిస్తుంద‌ని వార్త‌లు వినిపిస్తున్న సంగ‌తి తెలిసిందే. ఈ చిత్రాన్ని రామ్ పెద‌నాన్న స్ర‌వంతి ర‌వికిషోర్ నిర్మించ‌నున్నార‌ని స‌మాచారం.

ఆస‌క్తిక‌ర‌మైన విష‌యమేమిటంటే..  గ‌తంలో  రామ్‌, కాజ‌ల్ జంట‌గా రూపొందిన గ‌ణేష్ చిత్రాన్ని కూడా స్ర‌వంతి మూవీస్ ప‌తాకంపై నిర్మించ‌డం. రెండో సారి కూడా.. అదే సంస్థ‌లో రామ్‌, కాజ‌ల్ న‌టిస్తుండ‌డం విశేష‌మ‌నే చెప్పాలి. గ‌ణేష్ విష‌యంలో మిస్ అయిన విజ‌యాన్ని.. ఈ సారైనా ఇదే సంస్థ కాంబినేష‌న్‌లో రామ్‌, కాజ‌ల్ అందుకుంటారేమో చూడాలి.