'கற்றது தமிழ்', 'தங்கமீன்கள்', 'தரமணி' ஆகிய படங்களை இயக்கிய ராம் இயக்கிய படம் 'பேரன்பு. மலையாள சூப்பர் ஸ்டார் மம்முட்டி, அஞ்சலி நடித்த இந்த படம் ரிலீசுக்கு தயாராகி பல மாதங்கள் ஆகியும் ஒருசில பிரச்சனைகளால் வெளியாகாமல் இருந்தது. இந்த நிலையில் இயக்குனர் ராம் தற்போது இந்த படத்தின் ரிலீஸ் குறித்த தகவலை வெளியிட்டுள்ளார்.

'பேரன்பு' திரைப்படம் வரும் 2019ஆம் ஆண்டு பிப்ரவரியில் வெளியாகும் என்றும், சரியான ரிலீஸ் தேதி விரைவில் அறிவிக்கப்படும் என்றும் அறிவிக்கப்பட்டுள்ளது. ஒருசில சர்வதேச திரைப்பட விழாக்களில் திரையிடப்பட்டு பெரும் பாராட்டுக்களை குவித்த இப்படம் தமிழ், மலையாளம் ஆகிய இரு மொழிகளில் வெளியாகவுள்ளது.

ராம் இயக்கத்தில் யுவன்ஷங்கர் ராஜா இசையில் உருவாகியுள்ள இப்படத்தில் மம்முட்டி, அஞ்சலி, சாதனா, சமுத்திரக்கனி, வடிவுக்கரசி, லிவிங்ஸ்டன் உள்பட பலர் நடித்துள்ளனர். தேனி ஈஸ்வர் ஒளிப்பதிவு செய்துள்ள இந்த படத்திற்கு சூர்யா பிரதாபன் படத்தொகுப்பு செய்துள்ளார்.