నేను శైల‌జ స‌క్సెస్ త‌ర్వాత ఎన‌ర్జిటిక్ స్టార్ రామ్ ఎక్క‌డా తొంద‌ర‌ప‌డ‌కుండా సినిమాలు చేసుకుంటున్నాడు. సంతోష్ శ్రీనివాస్ ద‌ర్శ‌క‌త్వంలో 14 రీల్స్ బ్యాన‌ర్‌లో రూపొందుతోన్న చిత్రంలో న‌టిస్తున్నాడు. దీని త‌ర్వాత అనిల్ రావిపూడి ద‌ర్శ‌క‌త్వంలో సినిమా చేయ‌డానికి గ్రీన్ సిగ్న‌ల్ ఇచ్చాడు. అనిల్ రావిపూడి ఈ సినిమా గురించి వ‌స్తున్న వార్త‌ల‌కు క్లారిటీ ఇచ్చేశాడు.

త‌న నెక్ట్స్ మూవీ రామ్‌తో చేయ‌బోతున్నానని, అంతే కాకుండా ఈ సినిమాలో రామ్ గుడ్డివాడి పాత్ర‌లో క‌న‌ప‌డ‌బోతున్నాడ‌ట‌. అయితే త‌న స్ట‌యిల్ ఆఫ్ క‌మ‌ర్షియ‌ల్ ఎలిమెంట్స్ ఎక్క‌డా మిస్ కాకుండా చూసుకుంటున్నానని కూడా చెప్పేశాడు. అయితే నిర్మాత‌లు, మిగ‌తా న‌టీన‌టుల వివ‌రాల‌ను త్వ‌ర‌లోనే తెలియ‌జేస్తాన‌ని చెప్పుకొచ్చాడు. ప‌టాస్‌, సుప్రీమ్ వ‌రుస స‌క్సెస్‌ల త‌ర్వాత అనిల్ చేయ‌బోయే ఈ సినిమాపై భారీ అంచ‌నాలు నెల‌కొన్నాయి.