ఎనర్జిటిక్‌ స్టార్‌ రామ్‌, టాలెంటెడ్‌ డైరెక్టర్‌ సంతోష్‌ శ్రీన్‌వాస్‌ కాంబినేషన్‌లో 14 రీల్స్‌ ఎంటర్‌టైన్‌మెంట్‌ పతాకంపై రామ్‌ ఆచంట, గోపీచంద్‌ ఆచంట, అనీల్‌ సుంకర నిర్మిస్తున్న యాక్షన్‌ ఎంటర్‌టైనర్‌ 'హైపర్‌' (ప్రతి ఇంట్లో ఒకడుంటాడు). సినిమా ప్ర‌స్తుతం నిర్మాణాంత‌ర కార్య‌క్ర‌మాల‌ను జ‌రుపుకుంటోంది. సినిమాను సెప్టెంబ‌ర్ 29న విడుద‌ల చేయ‌డానికి నిర్మాత‌లు ప్లాన్ చేస్తున్నారు.

కంద‌రీగ హిట్ త‌ర్వాత రామ్‌, సంతోష్ శ్రీనివాస్ కాంబినేష‌న్‌లో వ‌స్తున్న చిత్ర‌మిది. అంతే కాకుండా పండ‌గ చేస్కో, నేను..శైల‌జ వంటి విజ‌యాలు త‌ర్వాత రామ్ చేస్తున్న సినిమా కావ‌డంతో సినిమాపై మంచి అంచ‌నాలు ఏర్ప‌డ్డాయి. సినిమా బిజినెస్ స్టార్ట‌య్యింద‌ట‌. అందులో భాగంగా ఓవ‌ర్ సీస్‌(యు.ఎస్‌)లో ప్ర‌ముఖ డిస్ట్రిబ్యూష‌న్ సంస్థ సినీ ప్యార‌డైజ్ రిలీజ్ హక్కుల‌ను కైవ‌సం చేసుకుంద‌ని స‌మాచారం. రీసెంట్‌గా విడుద‌లైన సినిమా టీజ‌ర్‌, డ్యాన్సింగ్ టీజ‌ర్‌కు ఆడియెన్స్ నుండి మంచి రెస్పాన్స్ వ‌స్తుంది.