వ‌ర్మ సినిమాకి ఆమే ప్లస్
- IndiaGlitz, [Friday,March 25 2016]
ఢిల్లీ సుంద‌రి సుర‌భికి తెలుగు, త‌మిళ భాష‌ల్లో మంచి ట్రాక్ రికార్డే ఉంది. చిన్న సినిమాల‌తో పెద్ద విజ‌యాల‌ను సొంతం చేసుకుంటూ బాణంలో దూసుకుపోతోందీ అమ్మ‌డు. ముఖ్యంగా తెలుగులో ఈ భామ పేరుతో రెండు వ‌రుస విజ‌యాలు న‌మోదు కాబ‌డ్డాయి. గ‌తేడాది విడుద‌లైన 'బీరువా' త‌క్కువ బ‌డ్జెట్ట్‌తో రూపొంది స్లీప‌ర్ హిట్ గా నిల‌వ‌గా.. ఈ ఏడాది సంక్రాంతికి వ‌చ్చిన 'ఎక్స్‌ప్రెస్ రాజా' పెద్ద చిత్రాల‌తో పోటీప‌డి మ‌రీ స‌క్సెస్‌ఫుల్ మూవీగా నిలిచింది.
ఈ నేప‌థ్యంలో త‌ను హీరోయిన్‌గా న‌టించిన 'ఎటాక్' చిత్రంపై సుర‌భి బోలెడు ఆశ‌ల‌నే పెట్టుకుంది. ఈ చిత్రంతో హీరోయిన్‌గా త‌న‌కు హ్యాట్రిక్ ద‌క్క‌డం ఖాయంగా భావిస్తోంది. మంచు మ‌నోజ్ హీరోగా రామ్ గోపాల్ వ‌ర్మ రూపొందించిన ఈ చిత్రం ఏప్రిల్ 1న విడుద‌ల కానుంది. ఏదేమైనా గ‌త కొంత‌కాలంగా విజ‌యాల్లేని వ‌ర్మ, మ‌నోజ్‌ల‌కి సుర‌భి ట్రాక్ రికార్డ్ ప్లస్ గా నిల‌వ‌నుంది. ఆమె ల‌క్కీ ఛార్మ్‌.. లేట్‌గా రిలీజ్ అవుతున్న 'ఎటాక్' కి మంచి హిట్ టాక్‌ని అందిస్తుందేమో చూడాలి.