தெலுங்கு நடிகை ஸ்ரீரெட்டி கடந்த சில நாட்களாக தனது முகநூலில் தனக்கு நேர்ந்த பாலியல் தொல்லைகள் குறித்தும் தனக்கு பாலியல் தொல்லை கொடுத்த பிரபலங்கள் குறித்தும் தகவல்களை வெளியிட்டு பெரும் பரபரப்பை ஏற்படுத்தினார். மேலும் தெலுங்கு நடிகர் சங்க அலுவலகம் முன் அவர் அரைநிர்வாண போராட்டம் நடத்தியதால் அவரை தெலுங்கு சினிமாவில் நடிக்க தடைவிதிக்கப்பட்டது.

பின்னர் இந்த பிரச்சனையில் மனித உரிமை கமிஷன் தலையிட்ட பின்னர் தெலுங்கு நடிகர் சங்கம் தனது முடிவை மாற்றிக்கொண்டது. இருப்பினும் ஸ்ரீரெட்டிக்கு வாய்ப்பு கொடுக்க எந்த இயக்குனரும் தயாரிப்பாளரும் முன்வரவில்லை. 

இந்த நிலையில் இந்த பிரச்சனைக்கு ஸ்ரீரெட்டிக்கு ஆதரவு கொடுத்த பிரபல இயக்குனர் ராம்கோபால்வர்மா, ஸ்ரீரெட்டிக்கு என கேரக்டர் தயார் செய்திருப்பதாகவும், அவருடைய அடுத்த படத்தில் ஸ்ரீரெட்டி முக்கிய வேடத்தில் நடிப்பார் என்றும் எதிர்பார்க்கப்படுகிறது.