వర్మ వీరప్పన్ రిలీజ్ ఎప్పుడు...?
- IndiaGlitz, [Tuesday,September 29 2015]
వివాదాల‌కు మ‌రో పేరైన వర్మ తెర‌కెక్కిస్తున్న తాజా చిత్రం కిల్లింగ్ వీరప్పన్. రెండు రాష్ట్ర ప్ర‌భుత్వాల‌ను వ‌ణికించిన వీరప్పన్ ను చంపిన పోలీసాఫీస‌ర్ క‌థ‌తో వర్మ కిల్లింగ్ వీరప్పన్ చిత్రాన్ని రూపొందిస్తున్నారు. ఈ సినిమాలో వీరప్పన్‌గా సందీప్ భరద్వాజ్ అనే ఓ థియేటర్ ఆర్టిస్ట్‌ న‌టిస్తుంటే, పోలీస్ ఆఫీసర్ గా శివరాజ్ కుమార్ నటిస్తున్నారు. వీరప్పన్ గా నటించిన సందీప్ భరద్వాజ్ లుక్ అచ్చు వీరప్పన్ లా ఉండ‌డం విశేషం.
ఈ చిత్రాన్ని వైజాగ్, క‌ర్ణాట‌క అడ‌వుల్లో చిత్రీక‌రించారు. తెలుగు, త‌మిళ, క‌న్న‌డ, హిందీ భాష‌ల్లో ఈ చిత్రాన్ని రూపొందించారు. ప్రస్తుతం షూటింగ్ పూర్తి చేసుకుని పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది. అక్టోబ‌ర్ మూడ‌వ వారంలో ఆడియోను, న‌వంబ‌ర్ లో సినిమాను రిలీజ్ చేయ‌డానికి ప్లాన్ చేస్తున్నార‌ట వర్మ. మ‌రి..వీరప్పన్ తో వర్మ ఈసారి ఎలాంటి సెన్సేష‌న్ క్రియేట్ చేయ‌నున్నాడో..?