డేట్ ఫిక్స్ చేసుకున్న రామ్
- IndiaGlitz, [Monday,February 12 2018]
ఎన‌ర్జిటిక్ హీరో రామ్ కథానాయకుడిగా శ్రీ వెంకటేశ్వర క్రియేషన్స్ పతాకంపై దిల్ రాజు ఓ సినిమాని నిర్మించనున్న సంగతి తెలిసిందే. సినిమా చూపిస్త మావ', నేను లోకల్' వంటి వినోదాత్మక చిత్రాలను రూపొందించిన త్రినాథరావు నక్కిన ఈ చిత్రానికి దర్శకత్వం వహించనున్నారు. తన గత చిత్రాల మాదిరిగానే వినోదమే ప్రధానాంశంగా దర్శకుడు ఈ సినిమాని తెరకెక్కిస్తున్నారు. ఈ చిత్రంలో రామ్‌కు జోడీగా అనుపమ పరమేశ్వరన్ కథానాయికగా నటించనుంది.
ఇద్దరు నాయికలకు స్థానం ఉన్న ఈ చిత్రంలో మరొక హీరోయిన్ పేరును పరిశీలిస్తున్నారు. ఈమెతో పాటు సంగీత దర్శకుడు, ఇతర సాంకేతిక వర్గాన్ని త్వరలోనే ప్రకటించనుంది చిత్ర బృందం. ప్రస్తుతం ప్రీ-ప్రొడక్షన్ పనులను శరవేగంగా జరుపుకుంటున్న ఈ చిత్రం...మార్చి 16 నుంచి నిరవధికంగా చిత్రీకరణ జ‌రుపుకోనుంది. తన గత చిత్రాలు 'హైప‌ర్‌', ఉన్నది ఒకటే జిందగీ' నిరాశపరచడంతో ఈ సినిమాతో మళ్ళీ సక్సెస్ బాట పట్టాలని రామ్ భావిస్తున్నట్టు స‌మాచారం.