రామ్ చిత్రంలో క్రేజీ హీరోయిన్స్
- IndiaGlitz, [Saturday,December 30 2017]
యువ కథానాయకుడు రామ్.. ఇటీవ‌లే ఉన్న‌ది ఒక‌టే జింద‌గీ చిత్రంతో ప‌ల‌క‌రించారు. ఆ సినిమా తరువాత చిరు విరామం తీసుకున్న ఈ యంగ్ హీరో.. ఫిబ్ర‌వ‌రి నుంచి కొత్త చిత్రాన్ని ప‌ట్టాలెక్కించ‌నున్నారు. సినిమా చూపిస్త మావ, నేను లోక‌ల్ చిత్రాలతో వ‌రుస విజ‌యాల‌ను అందుకున్న త్రినాథరావు న‌క్కిన ఈ చిత్రానికి దర్శకుడు కాగా.. ఈ సంవ‌త్స‌రం డ‌బుల్ హ్యాట్రిక్స్ అందుకున్న దిల్ రాజు ఈ చిత్రాన్ని నిర్మించ‌నున్నారు.
ఇదిలా ఉంటే.. ఈ చిత్రంలో ఇద్ద‌రు హీరోయ‌న్స్ న‌టించ‌నున్నార‌ని ఆ మ‌ధ్య వార్త‌లు వినిపించాయి. తాజా స‌మాచారం ప్ర‌కారం.. హ్యాట్రిక్ విజ‌యాల‌తో టాలీవుడ్‌లో సెన్సేషన్ క్రియేట్ చేసిన క్రేజీ హీరోయిన్స్ నివేదా థామ‌స్‌, అనుపమ ప‌ర‌మేశ్వ‌ర‌న్ ఈ చిత్రంలో క‌థానాయిక‌లుగా న‌టించే అవ‌కాశ‌ముంద‌ని తెలిసింది. అనుపమ ఇప్ప‌టికే ఉన్న‌ది ఒక‌టే జింద‌గీ కోసం రామ్‌తో రొమాన్స్ చేయ‌గా.. నివేదాకి రామ్ కాంబినేష‌న్‌లో ఇదే తొలి సినిమా. రొమాంటిక్ ఎంట‌ర్‌టైన‌ర్‌గా తెర‌కెక్కుతున్న ఈ చిత్రంలో రామ్ ఓ డిఫ‌రెంట్ లుక్‌లో క‌నిపించ‌నున్నాడ‌ని స‌మాచార‌మ్‌.