ప్ర‌స్తుతం మ‌హేష్ 'మ‌హ‌ర్షి' చిత్రీక‌ర‌ణ‌లో బిజీగా ఉన్నాడు. మే 9న సినిమా విడుద‌ల కానుంది. ఈ సినిమా త‌ర్వాత వంశీ పైడిప‌ల్లి ఏ డైరెక్ట‌ర్‌తో సినిమా చేస్తాడ‌నే విష‌యంపై క్లారిటీ రాలేదు. ఇండ‌స్ట్రీ వ‌ర్గాల స‌మాచారం ప్ర‌కారం మాత్రం మెగాప‌వ‌ర్ స్టార్ రాంచ‌ర‌ణ్‌తో ఈ ద‌ర్శ‌కుడు సినిమా చేయ‌బోతున్నాడ‌ట‌.

రీసెంట్‌గా చ‌ర‌ణ్‌ను క‌లిసిన‌ప్పుడు మెయిన్ పాయింట్ చెప్పాడ‌ట‌. చ‌ర‌ణ్ కూడా ప్రాథ‌మికంగా ఓకే చెప్పాడ‌ట‌. పూర్తి స్క్రిప్ట్ సిద్ధం చేసి వినిపిస్తే తాను సినిమాకు గ్రీన్ సిగ్న‌ల్ ఇస్తాన‌ని అన్నాడ‌ట చెర్రీ.

ప్ర‌స్తుతం `మ‌హ‌ర్షి` సినిమాను విడుద‌ల‌కు సిద్ధం చేసే ప‌నిలో వంశీ పైడిప‌ల్లి బిజీగా ఉన్నాడు. ఇది పూర్త‌యిన త‌ర్వాత కొన్ని రోజులు హాలీడేస్ తీసుకుని త‌ర్వాత చ‌ర‌ణ్ స్క్రిప్ట్‌పైన కూర్చుంటాడ‌ట‌.

రాంచ‌ర‌ణ్ ప్ర‌స్తుతం 'RRR' చిత్రీక‌ర‌ణ‌ను పూర్తి చేసే ప‌నిలో ఉన్నాడు. ఇది పూర్తి కావ‌డానికి ఈ ఏడాది వ‌ర‌కు ఈ సినిమాతో చెర్రీకి స‌రిపోతుంది. వ‌చ్చే ఏడాదినే రాంచ‌ర‌ణ్ కొత్త సినిమా ఉంటుంది. నిర్మాత డి.వి.వి.దాన‌య్య ఈ సినిమాను నిర్మిస్తాడ‌ని స‌మాచారం. అంతా అనుకున్న‌ట్లు కుదిరితే ఎవ‌డు త‌ర్వాత రాంచ‌ర‌ణ్‌, వంశీ పైడిప‌ల్లి కాంబినేష‌న్‌లో మ‌రో సినిమా ఇదే అవుతుంది.