తొలిసారి చార్మినార్ ను సందర్శించిన స్టార్ హీరో..!
- IndiaGlitz, [Thursday,August 04 2016]
తొలిసారి చార్మినార్ ను సందర్శించిన స్టార్ హీరో ఎవ‌రో కాదు మెగా ప‌వ‌ర్ స్టార్ రామ్ చరణ్. అవును... రామ్ చరణ్ తొలిసారిగా ఈరోజు చార్మినార్ ను సంద‌ర్శించారు. ఈ విష‌యాన్ని రామ్ చరణ్ స్వ‌యంగా ఫేస్ బుక్ ద్వారా తెలియ‌చేసారు. చరణ్ న‌టిస్తున్న తాజా చిత్రం ధృవ. ఈ చిత్రాన్ని సురేంద‌ర్ రెడ్డి తెర‌కెక్కిస్తున్నారు.
గీతా ఆర్ట్స్ బ్యానర్ పై అల్లు అర‌వింద్ ఈ చిత్రాన్ని నిర్మిస్తున్నారు. ప్ర‌స్తుతం ఈ చిత్రం హైద‌రాబాద్ లోని ఓల్డ్ సిటీలో షూటింగ్ జ‌రుపుకుంటుంది. ఈ షూటింగ్ గ్యాప్ లో చరణ్ చార్మినార్ పైకి ఎక్కి వీక్షించారు. ఈ విష‌యాన్ని ఫేస్ బుక్ ద్వారా తెలియ‌చేస్తూ...ఫ‌స్ట్ టైమ్ చార్మినార్ పైకి ఎక్కాను. అక్క‌డ నుంచి చూస్తే అద్భుతంగా ఉంది అంటూ త‌న సంతోషాన్ని పంచుకున్నారు. అంతే కాదండోయ్ చార్మినార్ పై చరణ్ ఉన్న స్టిల్ ను కూడా ఫేస్ బుక్ లో పోస్ట్ చేసారు.