మెగా ప‌వ‌ర్ రామ్ చ‌ర‌ణ్ న‌టించిన ధృవ‌ చిత్రంలో సిద్ధార్ధ అభిమన్యు పాత్ర‌లో స్టైలీష్ విల‌న్ గా న‌టించి మెప్పించిన హీరో ట‌ర్న‌డ్ విల‌న్ అర‌వింద్ స్వామి. త‌మిళ మూవీ త‌ని ఓరువ‌న్ రీమేక్ గా ధృవ రూపొందిన విష‌యం తెలిసిందే. ఈ రెండు చిత్రాల్లోను అర‌వింద్ స్వామి విల‌న్ గా న‌టించి మెప్పించ‌డం విశేషం.

రోజా, బొంబాయి చిత్రాల్లో నటించి మెప్పించిన ఈ హీరో అర‌వింద్ స్వామిని విల‌న్ గా చేయ‌డానికి కార‌ణం ఏమిటి అని అడిగితే...విల‌న్ గా న‌టించాలి అని ఫ‌స్ట్ నుంచి ఉంది. హాలీవుడ్ మూవీస్ లో అంద‌రూ అన్నిర‌కాల పాత్ర‌లు చేస్తున్నారు. అందుచేత నాకు పాత్ర న‌చ్చితే ఎలాంటి క్యారెక్ట‌ర్ అయినా చేస్తాను అని చెప్పారు. ఇక త‌న ఫ్యూచ‌ర్ ప్రాజెక్ట్స్ గురించి చెబుతూ...మ‌ల‌యాళ చిత్రం భాస్క‌ర్ ది రాస్కెల్ చిత్రం త‌మిళ రీమేక్ లో న‌టిస్తున్నాను. ప్ర‌స్తుతం నా దృష్టి అంతా త‌మిళ సినిమాల పైనే. వ‌చ్చే సంవ‌త్స‌రం డైరెక్ష‌న్ చేయ‌బోతున్నాను. క‌థ రెడీ చేసాను అని చెప్పారు అయితే...డైరెక్ట‌ర్ అయినా ఏక్టింగ్ వ‌ద‌ల‌ను అంటున్నారు హీరో ట‌ర్న‌డ్ విల‌న్ అర‌వింద్ స్వామి..!