మెగాస్టార్ చిరంజీవి 150వ చిత్రాన్ని వి.వి.వినాయ‌క్ దర్శ‌క‌త్వంలో రామ్ చ‌ర‌ణ్ కొణిదెల ప్రొడ‌క్ష‌న్స్ బ్యాన‌ర్ పై నిర్మిస్తున్న విష‌యం తెలిసిందే. అయితే...రామ్ చ‌ర‌ణ్ మాట వినాయ‌క్ ని బాధ‌పెట్టింది అంటూ ప్ర‌చారం జ‌రుగుతుంది. ఇంత‌కీ విష‌యం ఏమిటంటే...రామ్ చ‌ర‌ణ్ ఇటీవ‌ల ఫేస్ బుక్ లో ఫ్యాన్స్ తో చేసిన వీడియో చాట్ లో నాన్న‌గారి 150వ చిత్రానికి క‌త్తిలాంటోడు టైటిల్ కాదు. త్వ‌ర‌లో టైటిల్ ఏమిటి అనేది ప్ర‌క‌టిస్తాం అని తెలియ‌చేసారు.

చ‌ర‌ణ్ చెప్పిన‌ ఈ మాట వినాయ‌క్ ని బాధ‌పెట్టింద‌ట‌. ఎందుకంటే...క‌త్తిలాంటోడు అనేది వినాయ‌క్ కి బాగా న‌చ్చిన టైటిల్. అందుక‌నే ఓ ఆడియో ఫంక్ష‌న్ లో చిరు తో చేసే సినిమా టైటిల్ క‌త్తిలాంటోడు అని అర్ధం వ‌చ్చేలా మాట్లాడ‌డం జ‌రిగింది. అలాంటిది ఇప్పుడు చ‌ర‌ణ్ క‌త్తిలాంటోడు కాదు అన‌డంతో వినాయ‌క్ పీల‌య్యాడు అని అంటున్నారు. మ‌రి...ఫైన‌ల్ గా ఏ టైటిల్ పెడ‌తారో చూడాలి.