రామ్ చరణ్ లైవ్ షో
- IndiaGlitz, [Monday,September 26 2016]
హీరో రామ్‌చ‌ర‌ణ్ హీరోగానే కాకుండా సామాజిక కార్య‌క్ర‌మాల్లో త‌న‌కు వీలున్న‌ప్పుడ‌ల్లా పాల్గొంటుంటాడు. రీసెంట్‌గా రిపబ్లిక్ హిందీ కొలిష‌న్(ఆర్‌.హెచ్‌.సి) అనే సంస్థ హ్యుమానిటీ అగెయినెస్ట్ టెర్ర‌ర్ అనే ఈవెంట్‌ను కండెక్ట్ చేస్తున్నారు. ఈ సంస్థ ఛైర్మ‌న్ శైలి కుమార్ అడిగిన వెంట‌నే రామ్‌చ‌ర‌ణ్ ఈ ఈవెంట్‌లో లైవ్ పెర్‌ఫార్మెన్స్ ఇవ్వ‌డానికి రెడీ అయ్యాడ‌ట.
వ‌చ్చే అక్టోబర్ 15న అమెరికాలోని న్యూజెర్సీలో ఈవెంట్ జ‌ర‌గ‌నుంది. దీనికి ప్రేక్ష‌కుల నుండి మంచి స్పంద‌న వస్తుంద‌ని ఈవెంట్ నిర్వాహ‌కులు తెలియ‌జేస్తున్నారు. దీని ద్వారా వ‌చ్చే మొత్తాన్నిటెర్ర‌రిస్టుల చ‌ర్య‌లు వల్ల స‌మ‌స్య‌ల‌ను ఎదుర్కొంటున్న కుటుంబాల‌కు అందిస్తార‌ట. ఇలాంటి చారిటీ ఈవెంట్‌లో పాల్గొన‌డం త‌న‌కు చాలా గ‌ర్వంగా ఉంద‌ని రామ్ చరణ్ వీడియో ద్వారా తెలియ‌జేయ‌డం విశేషం.