మెగాప‌వ‌ర్ స్టార్ రామ్ చ‌ర‌ణ్ కెరీర్‌ను మ‌లుపు తిప్పిన చిత్రాల‌లో మ‌గ‌ధీరది ప్ర‌త్యేక స్థానం. ఇండ‌స్ట్రీ హిట్‌గా నిలిచిన ఈ సినిమాతో రామ్ చ‌ర‌ణ్ ద‌శ‌, దిశ మారింద‌నే చెప్పాలి. ఆ సినిమా త‌రువాత చ‌ర‌ణ్ కెరీర్‌లో చెప్పుకోద‌గ్గ విజ‌యాలున్నా.. మ‌ళ్ళీ న‌టుడిగా గుర్తింపును తీసుకువ‌చ్చింది మాత్రం తాజాగా విడుద‌లైన రంగ‌స్థ‌లం చిత్రం. ఇందులో చెవుడు ఉన్న చిట్టిబాబు పాత్ర‌లో రామ్ చ‌ర‌ణ్ బాగా ఒదిగిపోయార‌నే చెప్పాలి.

ఇదిలా ఉంటే.. ఈ రెండు సినిమాల‌కు సంబంధించి ఓ కామ‌న్ ఫ్యాక్ట‌ర్ ఉంది. అదేమిటంటే.. ఈ రెండు సినిమాలు కూడా ఆయా  చిత్రాల ద‌ర్శ‌కుల‌కి 7వ చిత్రాలు కావ‌డం. మ‌గ‌ధీర చిత్రం ద‌ర్శ‌క‌ధీరుడు రాజ‌మౌళికి ఏడో చిత్ర‌మైతే.. రంగ‌స్థ‌లం చిత్రం బ్రిలియంట్ డైరెక్ట‌ర్ సుకుమార్‌కు ఏడ‌వ సినిమా కావ‌డం విశేషం.

మొత్త‌మ్మీద ఏడో చిత్రాలు చేసిన ద‌ర్శ‌కుల‌కు రామ్ చ‌ర‌ణ్ క‌లిసిరావడ‌మే కాకుండా.. త‌న‌కి కూడా ఆయా సినిమాలు పేరు తీసుకు రావ‌డం గ‌మనార్హం. మ‌రి.. మున్ముందు కూడా ఈ విష‌యంలో మ‌రెవ‌రైనా డైరెక్ట‌ర్ కూడా చేరుతారేమో చూడాలి.