మెగాప‌వ‌ర్ స్టార్ రామ్‌చ‌ర‌ణ్ ఇప్పుడు బోయపాటి శ్రీను ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. ఈ సినిమా త‌ర్వాత చ‌ర‌ణ్ రాజ‌మౌళి ద‌ర్శ‌క‌త్వ‌లో ఎన్టీఆర్‌తో క‌లిసి మ‌ల్టీస్టార‌ర్ చేస్తాడు. ఈ సినిమా త‌ర్వాత చ‌ర‌ణ్ చేయ‌బోయే సినిమా గురించి రీసెంట్‌గా చ‌ర‌ణ్ క్లారిటీ ఇచ్చేశాడు.

క్రియేటివ్ క‌మ‌ర్షియ‌ల్స్ బ్యాన‌ర్‌లో చ‌ర‌ణ్ సినిమా చేయబోతున్నాడు. మెగాస్టార్ చిరంజీవికి అభిలాష‌, రాక్ష‌షుడు, ఛాలెంజ్‌, మ‌ర‌ణ మృదంగం వంటి ఎన్నో విజ‌య‌వంతమైన చిత్రాల‌ను అందించిన నిర్మాత కె.ఎస్‌.రామారావు ఈ చ‌ర‌ణ్ సినిమాను నిర్మిస్తాడు. ద‌ర్శ‌కుడెవ‌ర‌నేది ఫైన‌లైజ్ కాలేదు కానీ.. గ్యాంగ్ లీడ‌ర్ సినిమాను రీమేక్ చేస్తే బావుంటుంద‌ని అనుకుంటున్న‌ట్లు వార్త‌లు వినప‌డుతున్నాయి.

చిరంజీవికి మాస్‌లో ఇమేజ్‌ను హైప్ చేయ‌డంలో గ్యాంగ్ లీడ‌ర్ సినిమా అప్ప‌ట్లో ఎంత‌గానో దోహ‌దం చేసిన సంగ‌తి తెలిసిందే. అలాంటి సినిమాను రీమేక్ చేస్తే అంచ‌నాలు ఆటోమెటిక్‌గా ఉంటాయ‌డ‌నంలో సందేహం లేదు. మ‌రి చర‌ణ్ ఆ రీమేక్‌లో న‌టించ‌డానికి ఒప్పుకుంటాడా? అనేదే ప్ర‌శ్న‌.