మెగా పవర్ స్టార్‌ రామ్‌ చరణ్‌కు కరోనా పాజిటివ్‌గా నిర్ధారణ అయింది. ఈ విషయాన్ని రామచరణ్ స్వయంగా ఓ ప్రకటన ద్వారా వెల్లడించాడు. అయితే తనకు ఎలాంటి కోవిడ్ లక్షణాలూ లేవని.. ప్రస్తుతం హోం క్వారంటైన్‌లో ఉన్నానని వెల్లడించాడు. త్వరలోనే కరోనా మహమ్మారి బారి నుంచి కోలుకుంటానని ప్రకటనలో తెలిపాడు. ఇటీవల తనను కలిసిన వారందరూ వెంటనే టెస్ట్ చేయించుకోవాలని అవసరమైన ప్రికాషన్స్ తీసుకోవాలని కోరాడు.

‘‘కరోనా టెస్ట్ చేయించుకోగా వైద్యులు పాజిటివ్ అని ధృవీకరించారు. నాకు ఎలాంటి లక్షణాలూ లేవు. ప్రస్తుతం క్వారంటైన్‌లో ఉన్నాను. త్వరలోనే కోలుకుంటాను. మరింత స్ట్రాంగ్‌గా తిరిగి వస్తాను. ఇటీవలి కాలంలో నన్ను కలిసిన వారంతా కరోనా టెస్ట్ చేయించుకోవడంతో పాటు అవసరమైన ప్రికాషన్స్ తీసుకోండి’ అంటూ రామ్ చరణ్ ప్రకటన విడుదల చేశాడు. కాగా... సోమవారం చెర్రీ ‘ఆచార్య’ సెట్స్‌లో ఎంటర్ అయ్యాడు. ఈ నేపథ్యంలోనే కరోనా టెస్ట్ చేయించుకున్నట్టు తెలుస్తోంది.

Request all that have been around me in the past couple of days to get tested.
More updates on my recovery soon. pic.twitter.com/lkZ86Z8lTF

— Ram Charan (@AlwaysRamCharan) December 29, 2020