మళ్లీ తెరపైకి ఛోటా మేస్త్రి..
- IndiaGlitz, [Wednesday,December 09 2015]
డైరెక్ట‌ర్ సంప‌త్ నంది మెగా ప‌వ‌ర్ స్టార్ రామ్ చ‌ర‌ణ్ తో ర‌చ్చ సినిమా తీసిన విష‌యం తెలిసిందే. ఈ సినిమా త‌ర్వాత మళ్లీ చ‌ర‌ణ్ తో సినిమా చేయ‌డానికి ఛోటా మేస్త్రి అనే టైటిల్ తో స్ర్కిప్ట్ రెడీ చేస్తున్నాన‌ని గ‌తంలో సంప‌త్ నంది ప్ర‌క‌టించారు. ఆత‌ర్వాత ఎవ‌రికి వారు త‌దుప‌రి చిత్రాల్లో బిజీ అవ్వ‌డం వ‌ల‌న ఈ ప్రాజెక్ట్ ను ప‌క్క‌న‌పెట్టేసారు. ఇప్పుడు సంప‌త్ నంది తెర‌కెక్కించిన బెంగాల్ టైగ‌ర్ ఈ నెల 10న రిలీజ్ అవుతుంది. ఈ సినిమా త‌ర్వాత చ‌ర‌ణ్ కి ఛోటా మేస్త్రి స్ర్కిప్ట్ చెప్పాల‌నుకుంటున్నాడ‌ట. చ‌ర‌ణ్ ఆరెంజ్ ప్లాప్ త‌ర్వాత స‌క్సెస్ కోసం ఎదురుచూస్తున్న స‌మ‌యంలో ర‌చ్చ అనే హిట్ ఇచ్చాడు సంప‌త్ నంది. సో...ఇప్పుడు కూడా చ‌ర‌ణ్ స‌క్సెస్ కోసం ఎదురుచూస్తున్నాడు. అందుచేత ఖ‌చ్చితంగా సంప‌త్ నందికి చ‌ర‌ణ్ అవ‌కాశం ఇస్తాడ‌నే న‌మ్మ‌కంతో ఉన్నాడు. మ‌రి...సంప‌త్ కి చ‌ర‌ణ్ అవ‌కాశం ఇస్తాడా..? ఛోటా మేస్త్రి సెట్స్ పైకి వెళ‌తాడా అనేది తెలియాలంటే కొన్ని రోజులు ఆగాల్సిందే.