మెగాఫ్యామిలీ హీరోల రీమేక్స్ విమ‌ర్శ‌ల‌కు చరణ్ కౌంట‌ర్..!
- IndiaGlitz, [Friday,December 16 2016]
మెగాప‌వ‌ర్ స్టార్ రామ్ చరణ్ న‌టించిన ధృవ చిత్రం ఇటీవ‌ల రిలీజై స‌క్సెస్ సాధించింది. ఓవ‌ర్ సీస్ లో 1 మిలియ‌న్ మార్క్ సాధించి రికార్డ్ క్రియేట్ చేసింది. ఈ చిత్రం త‌మిళ్ మూవీ త‌ని ఓరువ‌న్ రీమేక్ గా రూపొందిన విష‌యం తెలిసిందే. ఇక మెగాస్టార్ చిరంజీవి న‌టిస్తున్న 150వ చిత్రం ఖైదీ నెం 150. డైన‌మిక్ డైరెక్ట‌ర్ వినాయ‌క్ తెర‌కెక్కిస్తున్న ఖైదీ నెం 150 చిత్రం కూడా త‌మిళ మూవీ క‌త్తి రీమేకే.
ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తున్న కాట‌మ‌రాయుడు సినిమా కూడా రీమేకే కావ‌డం విశేషం. ఇలా మెగా హీరోలు స‌క్సెస్ కోస‌మే రీమేక్స్ చేస్తున్నారు అంటూ విమ‌ర్శలు వ‌స్తున్నాయి. ఈ విమ‌ర్శ‌ల‌కు చరణ్ కౌంట‌ర్ ఇస్తూ....రీమేక్ చేయ‌డం అనేది త‌ప్పు కాదు. రీమేక్ అనేది కూడా సినిమానే. వేరే రాష్ట్రంలో బాగా ఆడిన సినిమాను మ‌న ప్రేక్ష‌కుల‌కు కూడా చూపించాలి అనే ఉద్దేశ్యంతోనే రీమేక్ చేసాం.అంతే కానీ...కొత్త క‌థ‌లు లేక కాదు. నాన్న గారి సినిమా రీమేకే. ప‌వ‌న్ క‌ళ్యాణ్ గారు చేస్తున్న సినిమా కూడా రీమేకే. ఎవ‌రైనా మెగా హీరోలు వ‌రుస‌గా రీమేక్సే చేస్తున్నార‌ని అంటే అలాంటి మాట‌లు ప‌ట్టించుకోవ‌ద్దు అని అభిమానుల‌కు చెప్పారు చరణ్.