సెన్సేషన్ క్రియేట్ చేస్తోన్న రామ్ చరణ్ పోస్టర్స్
- IndiaGlitz, [Thursday,November 22 2018]
మెగాప‌వ‌ర్‌స్టార్ రామ్‌చ‌ర‌ణ్ హీరోగా బోయ‌పాటి శ్రీను దర్శకత్వంలో తెర‌కెక్కుతోన్న యాక్ష‌న్ ఎంట‌ర్‌టైన‌ర్ 'విన‌య‌విధేయ రామ'. ఈ సినిమాను వ‌చ్చే ఏడాది సంక్రాంతికి విడుద‌ల చేయ‌బోతున్నారు. కాగా ఈ సినిమా కోసం చిత్ర యూనిట్ కొత్త ర‌కం పబ్లిసిటీని స్టార్ట్ చేయ‌నుంది. అఖిల భార‌త చిరంజీవి యువ‌త, క‌డ‌ప జిల్లా చిరంజీవి యువ‌త క‌లిసి డిసెంబ‌ర్ 6న ఓ బైక్ ర్యాలీ చేయ‌బోతున్నారు.
ఈ బైక్ ర్యాలీకి సంబంధించిన పోస్ట‌ర్ విడుద‌లై సెన్సేషన్ క్రియేట్ చేస్తోంది. ఏదైతేనేం వినూత్నంగా చేయ‌బోయే ఈ ప్ర‌క్రియ సినిమాకు పబ్లిసిటీని తేవ‌డంలో మాత్రం క‌చ్చితంగా పెద్ద స‌క్సెస్ అవుతుంద‌నడంలో సందేహం లేదు. ఈ చిత్రాన్ని దాన‌య్య డి.వి.వి నిర్మిస్తున్నారు. కియ‌రా అద్వాని హీరోయిన్‌గా న‌టిస్తుంది. వివేక్ ఒబెరాయ్ విల‌న్‌గా న‌టిస్తున్నారు.