మెగా ప‌వ‌ర్ స్టార్ రామ్ చ‌ర‌ణ్ తొలిసారి నిర్మాత‌గా మారి...కొణిదెల ప్రొడ‌క్ష‌న్ కంపెనీ బ్యాన‌ర్ పై మెగాస్టార్ చిరంజీవితో ఖైదీ నెం 150 చిత్రాన్ని నిర్మిస్తున్న విష‌యం తెలిసిందే. వినాయ‌క్ ద‌ర్శ‌కత్వంలో రూపొందుతున్న ఖైదీ నెం 150 సంక్రాంతికి ప్రేక్ష‌కుల ముందుకు రానుంది. ఖైదీ నెం 150 త‌ర్వాత చ‌ర‌ణ్ కొణిదెల బ్యాన‌ర్ పై వ‌రుస‌గా సినిమాలు నిర్మించేందుకు ప్లాన్ చేస్తున్నారు.

ఇద్ద‌రు యంగ్ హీరోల‌తో సినిమాలు నిర్మించేందుకు క‌థ‌లు వింటున్నాడ‌ట చ‌ర‌ణ్. ఇంత‌కీ ఆ యంగ్ హీరోలు ఎవ‌రో కాదు..అక్కినేని అఖిల్, శ‌ర్వానంద్ అని ప్ర‌చారం జ‌రుగుతుంది. ఈ రెండు చిత్రాల‌కు ద‌ర్శ‌కులు ఎవ‌రు అనేది తెలియాల్సి ఉంది. ఖైదీ నెం 150 త‌ర్వాత ఎక్కువ గ్యాప్ లేకుండానే ఈ చిత్రాల‌ను ప్రారంభించాలి అనుకుంటున్నాడ‌ని సమాచారం.