చ‌ర‌ణ్ జోడీ కొత్త‌గా రావ‌డ‌మేంటి? అని అనుకుంటున్నారా..? వ‌చ్చింది కొత్త‌గానే. కాక‌పోతే పాత సినిమాలోకే. బోయ‌పాటి శ్రీను ద‌ర్శ‌క‌త్వంలో రామ్‌చ‌ర‌ణ్ న‌టిస్తున్న సినిమా అజ‌ర్‌బైజాన్‌లో షూటింగ్ జ‌రుపుకుంటోంది. ఈ సినిమాలో కియారా అద్వానీ నాయిక‌. ఈ షెడ్యూల్‌తో షూటింగ్ పూర్త‌యిపోతుంది. ఈ తాజా షెడ్యూల్లో ఇప్ప‌టిదాకా కియారా పాల్గొన‌లేదు. ఇప్పుడే ఆమె అక్క‌డికి చేరుకుంది.

కొన్ని స‌న్నివేశాలు, ఓ పాట‌లో న‌టించ‌నుంది. దీంతో సినిమా షూటింగ్ పూర్త‌వుతుంద‌ని వినికిడి. ద‌స‌రాకు ఫ‌స్ట్ లుక్‌ను రిలీజ్ చేస్తారు. అప్పుడే టైటిల్‌ను కూడా పెట్టాల‌ని అనుకుంటున్న‌ట్టు తెలుస్తోంది. స్టేట్ రౌడీ అనే టైటిల్‌ని ప‌రిశీలిస్తున్నారు. చిరంజీవి న‌టించిన సూప‌ర్ హిట్ సినిమా స్టేట్ రౌడీ. అదే టైటిల్‌ని పెడితే మెగా అభిమానుల‌కు మాత్రం నిజంగా పండుగే అవుతుంది.