రామ్ చరణ్ న్యూమూవీ టైటిల్...
- IndiaGlitz, [Thursday,December 10 2015]
మెగా ప‌వ‌ర్ స్టార్ రామ్ చరణ్ త‌మిళ సినిమా త‌ని ఓరువ‌న్ రీమేక్ లో నటిస్తున్న విష‌యం తెలిసిందే. ఈ చిత్రాన్ని సురేంద‌ర్ రెడ్డి తెర‌కెక్కిస్తున్నారు. మెగా ప్రొడ్యూస‌ర్ అల్లు అర‌వింద్ ఈ చిత్రాన్ని నిర్మిస్తున్నారు. జ‌న‌వ‌రి నుంచి ఈ సినిమా షూటింగ్ ప్రారంభించ‌డానికి ప్లాన్ చేస్తున్నారు.
ఈ సినిమాలో రామ్ చరణ్ పోలీసాఫీస‌ర్ గా న‌టిస్తున్నారు. విల‌న్ గా అర‌వింద్ స్వామి న‌టిస్తున్నారు. చరణ్ ప‌వ‌ర్ ఫుల్ పోలీసాఫీస‌ర్ గా న‌టించే ఈ మూవీకి ర‌క్ష‌క్ అనే టైటిల్ ప‌రిశీలిస్తున్నారు. బ్రూస్ లీ ప్లాప్ అవ్వ‌డంతో రామ్ చరణ్ ఈ సినిమా విష‌యంలో చాలా కేర్ తీసుకుంటున్నాడు. చరణ్ సరసన శ్రుతి హాస‌న్ లేదా ఇలియానా న‌టించే అవ‌కాశం ఉంది. త్వ‌ర‌లోనే హీరోయిన్ ఎవ‌ర‌నేది ఫైన‌ల్ చేసి షూటింగ్ ప్రారంభించ‌డానికి ప్లాన్ చేస్తున్నారు. మ‌రి...త‌మిళ్ లో ఘ‌న విజ‌యం సాధించిన త‌ని ఓరువ‌న్ తెలుగులో ఏరేంజ్ సక్సెస్ సాధిస్తుందో చూడాలి మ‌రి.