రామ్ చరణ్ న్యూమూవీ లాంఛ్ డేట్ ఫిక్స్..!
- IndiaGlitz, [Friday,January 20 2017]
మెగా పవర్ స్టార్ రామ్ చరణ్ ధృవ సినిమాతో హీరోగా, మెగాస్టార్ ఖైదీ నెం 150 సినిమాతో నిర్మాతగా సక్సెస్ సాధించిన విషయం తెలిసిందే. ఇక ఇప్పుడు హీరోగా తన తదుపరి చిత్రాన్ని ప్రారంభించేందుకు ప్లాన్ చేస్తున్నాడు. సుకుమార్ దర్శకత్వంలో రామ్ చరణ్ ఓ చిత్రాన్ని చేస్తున్నారు. విభిన్న కథాంశంతో రూపొందే ఈ భారీ చిత్రాన్ని మైత్రీ మూవీ మేకర్స్ సంస్థ ప్రతిష్టాత్మకంగా నిర్మించనుంది.
పల్లెటూరి గ్రామీణ నేపధ్యంతో సాగే ఈ చిత్రాన్ని ఈనెల 30న ప్రారంభించేందుకు ముహుర్తం ఖరారు చేసారని సమాచారం. ఫిబ్రవరి నుంచి రెగ్యులర్ షూటింగ్ స్టార్ట్ చేయనున్నారు. ఈ మూవీలో చరణ్ సరసన అనుపమ పరమేశ్వరన్ నటిస్తుంది. యువ సంగీత సంచలనం దేవిశ్రీప్రసాద్ సంగీతం అందిస్తున్నారు.