చరణ్ మూవీకి సంబంధించి ఆసక్తికరమైన ఫోటో...
- IndiaGlitz, [Monday,September 04 2017]
మెగాప‌వ‌ర్‌స్టార్ రామ్‌చ‌ర‌ణ్ హీరోగా సుకుమార్ ద‌ర్శ‌క‌త్వంలో రూపొందుతోన్న చిత్రం 'రంగ‌స్థ‌లం 1985'. మైత్రీ మూవీ మేక‌ర్స్ బ్యాన‌ర్‌ఫై రూపొందుతోన్న ఈ సినిమాను వ‌చ్చే ఏడాది సంక్రాంతి సంద‌ర్భంగా విడుదల చేయ‌డానికి నిర్మాత‌లు ప్లాన్ చేస్తున్నారు. ఈ సినిమాలో స‌మంత హీరోయిన్‌గా న‌టిస్తుంది. ఈ సినిమాలో న‌టి అన‌సూయ ఓ కీల‌క పాత్ర‌లో న‌టిస్తుంది.
ఈరోజు అన‌సూయ ట్విట్ట‌ర్‌లో ఓ ఆసక్తికరమైన ఫోటోను పోస్ట్ చేశారు. ఈ ఫోటోలో మెట్టెలు వేసుకున్న ఓ స్త్రీ కాలు క‌న‌ప‌డుతుంది. ప‌క్క‌నే ఓ మ‌ట్టి కుండ ఉంది. ఈ ఫోటోతో పాటు 'నింద నిజ‌మైతే త‌ప్పు దిద్దుకో..అబ‌ద్ధ‌మైతే న‌వ్వేసి ఊరుకో' అనే క్యాప్ష‌న్ పెట్టారు. మ‌రి ఈ క్యాప్ష‌న్ రంగ‌స్థ‌లంలో అన‌సూయ పాత్ర‌కు సంబంధించిందా లేదా, వ్య‌క్తిగ‌త అభిప్రాయామా అని తెలియాలంటే కొంత‌కాలం వేచి చూడాల్సిందే. ఈ సినిమాను 1985 కాల‌మానాలు ప్ర‌కారం ద‌ర్శ‌కుడు సుకుమార్ తెర‌కెక్కించాడు.