రామ్‌చ‌ర‌ణ్‌, బోయ‌పాటి శ్రీను కాంబినేష‌న్‌లో రూపొందుతోన్న యాక్ష‌న్ ఎంట‌ర్‌టైన‌ర్ 'విన‌య విధేయ రామ‌'. ప్ర‌శాంత్‌, ఆర్య‌న్ రాజేశ్, స్నేహ ప్ర‌ధాన పాత్ర‌ధారులుగా న‌టిస్తుంటే.. కియ‌రా అద్వాని హీరోయిన్‌గా న‌టిస్తుంది. డి.వి.వి.ఎంట‌ర్‌టైన్‌మెంట్స్ బ్యాన‌ర్‌పై డి.వి.వి.దాన‌య్య భారీ బ‌డ్జెట్‌తో ఈ చిత్రాన్ని నిర్మిస్తున్నారు.ప్ర‌స్తుతం ఓ సాంగ్ మిన‌హా చిత్రీక‌ర‌ణ పూర్త‌య్యింది.

నిర్మాణాంత‌ర కార్య‌క్ర‌మాలు శ‌ర‌వేగంగా జ‌రుగుతున్నాయి. సినిమాను వ‌చ్చే ఏడాది సంక్రాంతికి విడుద‌ల చేయాల‌ని యూనిట్ ప్లాన్ చేసింది. క్రేజీ కాంబినేష‌న్ కావ‌డంతో సినిమా కోసం తెలుగు రాష్ట్రాల్లోనే కాదు.. ఇత‌ర రాష్ట్రాల్లోని బ‌య్య‌ర్లు పోటీ ప‌డుతున్నారు.

తాజా స‌మాచారం ప్ర‌కారం కేర‌ళ‌లో వీవీఆర్ డిస్ట్రి బ్యూటర్స్, ప్రకాశ్ ఫిలిమ్స్ సంయుక్తంగా ఫ్యాన్సీ ఆఫ‌ర్‌తో ఈ సినిమా మ‌లయాళ హ‌క్కుల‌ను సొంతం చేసుకున్నార‌ట‌. చ‌ర‌ణ్ గ‌త చిత్రం 'రంగ‌స్థ‌లం' మ‌ల‌యాళంలో భారీ విజ‌యం సాధించ‌డంతో ఈ సినిమాకు హైప్ డ‌బుల్ అయ్యింది.