రేపే చరణ్ మూవీ ప్రారంభం..
- IndiaGlitz, [Tuesday,February 09 2016]
మెగా ప‌వ‌ర్ స్టార్ రామ్ చరణ్ బ్రూస్ లీ ఫ్లాప్ తర్వాత ఆచితూచి అడుగులు వేస్తున్నారు. త‌మిళ మూవీ త‌ని ఓరువ‌న్ రీమేక్ లో చరణ్ న‌టిస్తున్న విష‌యం తెలిసిందే. ఈ చిత్రాన్ని రేపే ప్రారంభించ‌నున్నారు. సురేంద‌ర్ రెడ్డి దర్శకత్వంలో అల్లు అర‌వింద్ ఈ సినిమాని నిర్మిస్తున్నారు. గీతా ఆర్ట్స్ ఆఫీస్ లో ఈ చిత్రాన్ని ప్రారంభించ‌నున్నారు. త‌మిళ్ లో ఘ‌న విజయం సాధించిన త‌ని ఓరువ‌న్ క‌థ‌లో తెలుగు నేటివిటీకి త‌గ్గ‌ట్టు కొన్ని మార్పులు చేసార‌ని స‌మాచారం. త‌ని ఓరువ‌న్ లో విల‌న్ పాత్ర పోషించిన అర‌వింద్ స్వామి తెలుగులో కూడా విల‌న్ పాత్ర పోషిస్తున్నారు. బ్రూస్ లీ తో స‌క్సెస్ సాధించ‌లేక‌పోయిన చరణ్ ఈసారి ఎలాగైనా స‌రే స‌క్సెస్ సాధించాల‌నే ప‌ట్టుద‌ల‌తో ఉన్నారు. ఈ చిత్రాన్ని ఆగ‌ష్టులో రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.