మెగా ప‌వ‌ర్‌స్టార్ రామ్‌చ‌ర‌ణ్‌, బోయ‌పాటి సినిమాకు సినిమాటోగ్రాఫ‌ర్ మారిపోయాడా? అంటే అవున‌నే అంటున్నాయి సినీ వ‌ర్గాలు వివ‌రాల్లోకెళ్తే.. చెర్రీ, బోయ‌పాటి కాంబినేష‌న్‌లో మూవీని డి.వి.వి.దాన‌య్య నిర్మిస్తున్న సంగ‌తి తెలిసిందే. ఇప్ప‌టికే సినిమా బ‌డ్జెట్ 75 కోట్లు దాటేసింది. ఇది కాకుండా మ‌రో 35 రోజుల షూటింగ్ చేయాల్సి ఉంది.

పాట‌ల చిత్రీక‌ర‌ణ ఇంకా పూర్తి కాలేదు. దీనికి అంతా క‌లిపి ఓ పాతిక కోట్లు అయ్యే అవ‌కాశాలున్నాయ‌ట‌. సో మొత్తంగా సినిమా వంద కోట్ల రూపాయ‌ల బ‌డ్జెట్‌ను దాటేలా క‌న‌ప‌డుతుంది. మ‌రో ప‌క్క చ‌ర‌ణ్‌కేమో రాజ‌మౌళి సినిమా చేయాల్సి ఉంది. అది న‌వంబ‌ర్ 18న స్టార్ట్ కానుంది. కాగా సినిమా మేకింగ్ ఆల‌స్యం కావ‌డంతో సినిమా సినిమాటోగ్రాప‌ర్ రిషి పంజాబీ డేట్స్ లేవు.. వేరే క‌మిట్‌మెంట్స్ ఉన్నాయంటూ త‌ప్పుకున్నాడ‌ట‌. ఆ స్థానంలో అర్థ‌ర్ ఎ.విల‌న్స్‌ను తీసుకుంద‌ట యూనిట్‌.