మెగా వేడుక‌కి ప్లాన్ - ఫ్యాన్స్ ని క‌లిసిన చరణ్
- IndiaGlitz, [Tuesday,July 05 2016]
మెగా ప‌వ‌ర్ స్టార్ రామ్ చరణ్ మెగా వేడుక‌ను ఘ‌నంగా నిర్వ‌హించేందుకు ప్లాన్ చేస్తున్నారు. అందులో భాగంగానే ఇటీవ‌ల చరణ్ ఫ్యాన్స్ ని క‌లిసారు. ఇంత‌కీ మెగా వేడుక ఏమిటంటే...వ‌చ్చే నెల 22న మెగాస్టార్ పుట్టినరోజు. అభిమానుల‌కు పండ‌గ రోజు. చిరు 150వ చిత్రం షూటింగ్ లో ఉంటుండ‌గా వ‌స్తున్న పుట్టినరోజు కాబ‌ట్టి ఈసారి చిరంజీవి జ‌న్మ‌దిన వేడుక‌ల‌ను ఘ‌నంగా నిర్వ‌హించేందుకు ఏర్పాట్లు చేస్తున్నారు.
ఈ జ‌న్మ‌దిన వేడుక‌ల‌ను ఒక రోజులో ముగించ‌కుండా వారం రోజులు లేదా తొమ్మిది రోజులు పాటు నిర్వ‌హించాలి అనుకుంటున్నార‌ట. ఈ విష‌యాల గురించి చ‌ర్చించి త‌గిన స‌ల‌హాలు, సూచ‌న‌లు అందించేందుకు అభిమానుల‌తో చరణ్ స‌మావేశం అయ్యారు. పుట్టినరోజు నాడు ర‌క్త‌దానం, అన్న‌దానం, వ‌స్త్ర‌దానం, విద్యార్ధుల‌కు పుస్త‌కాలు పంపిణీ త‌దిత‌ర సేవా కార్య‌క్ర‌మాలు చేయ‌నున్నారు.