కాశ్మీర్ షెడ్యూల్ పూర్తి - సిటీలో చరణ్
- IndiaGlitz, [Friday,July 01 2016]
రామ్‌చ‌ర‌ణ్ క‌థానాయ‌కుడిగా సురేంద‌ర్ రెడ్డి దర్శకత్వంలో అల్లు అర‌వింద్ నిర్మిస్తున్న సినిమా ధృవ. ఈ చిత్రం శ‌ర‌వేగంగా షూటింగ్ జ‌రుపుకుంటుది. ఈ మూవీలో చరణ్ ఓ సిన్సియ‌ర్ పోలీస్ ఆఫీస‌ర్ గా న‌టిస్తున్నారు. పోలీస్ గెట‌ప్ కి అవ‌స‌ర‌మైన విధంగా రూపు రేఖ‌లు మార్చుకుని చెర్రీ వెరీ స్మార్ట్‌గా క‌నిపిస్తున్నాడు. కాశ్మీర్ లో 10 రోజుల పాటు టాకీతో పాటు, ఓ సాంగ్‌ని చిత్రీక‌రించారు.కాశ్మీర్ షూట్ పూర్తి చేసుకుని చరణ్ హైద‌రాబాద్‌లో అడుగుపెట్టారు.
ధృవ ఫ‌స్ట్‌లుక్ త్వ‌ర‌లోనే రిలీజ్ చేయ‌నున్నారు. అయితే ఈలోగానే కాశ్మీర్ ఆన్‌లొకేష‌న్ స్టిల్ ఒక‌టి సోష‌ల్ మీడియాలో హ‌ల్‌చ‌ల్ చేస్తుంది. ఈ స్టిల్‌లో చరణ్ లుక్ అదిరింది అంటూ మంచి రెస్పాన్స్ వస్తుంది. గీతా ఆర్ట్స్ ప‌తాకంపై అల్లు అర‌వింద్ ఈ చిత్రాన్ని అత్యంత ప్ర‌తిష్ఠాత్మ‌కంగా నిర్మిస్తున్నారు. ఈ సినిమా మాతృక 'త‌ని ఒరువ‌న్‌'లో విల‌న్‌గా నటించిన అర‌వింద్ స్వామి ఈ చిత్రంలోనూ విల‌న్‌గా న‌టిస్తున్నారు. ర‌కుల్ ప్రీత్‌సింగ్ చరణ్ స‌ర‌స‌న క‌థానాయిక‌గా న‌టిస్తోంది. ధృవ చిత్రంలో తెలుగు ప్రేక్ష‌కుల‌కు కోరుకునే అన్ని అంశాలు ఉంటాయి. చ‌క్క‌ని స్టోరీ, గ్రిప్పింగ్‌ స్ర్కీన్‌ప్లేతో తెర‌కెక్కుతోందని చిత్ర‌యూనిట్ చెబుతోంది.