ఖైదీ నెం 150 లో చ‌ర‌ణ్..!
- IndiaGlitz, [Thursday,December 01 2016]
మెగాస్టార్ చిరంజీవి న‌టిస్తున్న 150వ చిత్రం ఖైదీ నెం 150. ఈ భారీ చిత్రాన్ని డైన‌మిక్ డైరెక్ట‌ర్ వి.వి.వినాయ‌క్ తెర‌కెక్కిస్తున్నారు. సంక్రాంతి కానుక‌గా ఈ చిత్రాన్ని భారీ స్ధాయిలో రిలీజ్ చేయ‌డానికి ప్లాన్ చేస్తున్నారు. కొణిదెల ప్రొడ‌క్ష‌న్ కంపెనీ బ్యాన‌ర్ పై మెగా ప‌వ‌ర్ స్టార్ రామ్ చ‌ర‌ణ్ ఈ చిత్రాన్ని నిర్మిస్తున్నారు. ఈ మూవీలో రామ్ చ‌ర‌ణ్ ఓ సాంగ్ లో చిరుతో క‌లిసి డ్యాన్స్ చేయ‌నున్న‌ట్టు వార్త‌లు వ‌స్తున్నాయి.
గ‌తంలో చ‌ర‌ణ్ ని ఇదే విష‌యం గురించి అడిగితే...నాన్న 150వ చిత్రంలో చిన్న రోల్ అయినా స‌రే చేయాల‌ని ఉంది అని చెప్పారు. కానీ...ఇప్ప‌టి వ‌ర‌కు ఖైదీ నెం 150లో చ‌ర‌ణ్ న‌టిస్తున్నాడా..? లేదా..? అనేది తెలియ‌లేదు. ఇదిలా ఉంటే.. ఖైదీ నెం 150 లో చ‌ర‌ణ్ క‌నిపించ‌డం ప‌క్కా అని తెలుస్తుంది. అయితే..చ‌ర‌ణ్ ఈ మూవీలో చిరుతో క‌లిసి స్టెప్స్ వేయ‌నున్నాడా..? లేక మూవీ ప్ర‌మోష‌న్ కోసం చేసే సాంగ్ లో క‌నిపిస్తాడా అనేది ప్ర‌స్తుతానికి స‌స్పెన్స్.