గ‌త ఏడాది ‘సైరా న‌ర‌సింహారెడ్డి’తో మెగాభిమానుల‌ను అల‌రించాల‌ని అనుకున్న మెగాస్టార్ చిరంజీవికి అంత స్కోప్ లేకుండా పోయింది. తాజాగా ఇప్పుడు కొర‌టాల శివ ద‌ర్శ‌క‌త్వంలో రూపొందుతోన్న ‘ఆచార్య‌’తో అయినా 2020లో బాక్సాఫీస్ వ్ద‌ద సెన్సేష‌న్ క్రియేట్ చేయాల‌ని మెగాస్టార్ భావించారు. కానీ క‌రోనా వైర‌స్ మెగా స్పీడుకి బ్రేకులేసింది. ‘ఆచార్య‌’ విడుద‌ల ఈ ఏడాది లేదు. వ‌చ్చే ఏడాది స‌మ్మ‌ర్‌లో సినిమాను విడుద‌ల చేయాలని చూస్తున్నారు. వచ్చే నెలలో సినిమా షూటింగ్‌ను రీస్టార్ట్ చేయడానికి స‌న్నాహాలు చేస్తున్నారు.

ఈ షెడ్యూల్‌లో ముందుగా రామ్‌చ‌ర‌ణ్‌పై స‌న్నివేశాల‌ను చిత్రీక‌రించ‌బోతున్నార‌ట‌. ఈ సినిమాలో రామ్‌చ‌ర‌ణ్ న‌క్స‌లైట్ లీడ‌ర్ పాత్ర‌లో క‌నిపిస్తార‌ని స‌మాచారం. ఈ సినిమా కోసం రామ్‌చ‌ర‌ణ్ ఓ ప‌నిచేయ‌బోతున్నాడ‌ని టాక్ వినిపిస్తోంది. అదేంటంటే ఆచార్యలో పాత్ర కోసం బ‌రువు పెరుగుతున్నాడ‌ట‌. ఆర్ఆర్ఆర్ సినిమా కోసం ప‌ర్‌ఫెక్ట్ లుక్‌లో క‌న‌ప‌డిన చ‌ర‌ణ్, ట్రిపుల్ ఆర్‌ను పూర్తి చేసి ఆచార్య సినిమాలో జాయిన్ అవుదామ‌ని అనుకున్నాడు. కానీ ట్రిపుల్ ఆర్ ఇప్ప‌ట్లో స్టార్ట్ అయ్యేలా క‌న‌ప‌డ‌టం లేదు. మ‌రో వైపు ఆచార్య యూనిట్ త‌న కోసం వెయిటింగ్‌లో ఉన్నారు. అందుకోసం చ‌ర‌ణ్.. జ‌క్క‌న్న ప‌ర్మిష‌న్ తీసుకుని ఆచార్య షూటింగ్‌ను పూర్తి చేసే ప‌నిలో ప‌డ్డాడు. అందు కోసం బ‌రువు పెరుగుతున్నాడని స‌మాచారం. ఆచార్య పూర్తి కాగానే మ‌ళ్లీ బ‌రువు త‌గ్గాల్సి ఉంటుంది చ‌ర‌ణ్‌.