సక్సెస్ కోసం సరైనోడు సెంటిమెంట్ ఫాలో అవుతున్న చరణ్..!
- IndiaGlitz, [Thursday,November 03 2016]
మెగా ప‌వ‌ర్ స్టార్ రామ్ చరణ్ న‌టిస్తున్న తాజా చిత్రం ధృవ. ఈ చిత్రాన్ని సురేంద‌ర్ రెడ్డి తెర‌కెక్కిస్తున్నారు. గీతా ఆర్ట్స్ బ్యానర్ పై ఈ చిత్రాన్ని అల్లు అర‌వింద్ నిర్మిస్తున్నారు. త‌ని ఓరువ‌న్ రీమేక్ గా రూపొందుతున్న ఈ చిత్రంలో చరణ్ స‌ర‌స‌న రకుల్ ప్రీత్ సింగ్ న‌టిస్తుంది. హిప్ హ‌ప్ త‌మిళ మ్యూజిక్ అందిస్తున్న ధృవ ఆడియోను ఈనెల 9న రిలీజ్ చేయ‌నున్నారు. అయితే...చరణ్ ధృవ ఆడియో ఫంక్షన్ కి ప‌వ‌ర్ స్టార్ ప‌వ‌న్ క‌ళ్యాణ్ గెస్ట్ గా రానున్న‌ట్టు ప్రచారం జ‌రిగింది.
కానీ...ఇప్పుడు ధృవ ఆడియో ఫంక్షన్ ను చేయ‌డం లేద‌ట. డైరెక్ట్ గా ఈనెల 9న మార్కెట్ లో రిలీజ్ చేస్తున్నారు. గీతా ఆర్ట్స్ బ్యానర్ పై రూపొందిన సరైనోడు సినిమా ఆడియోను కూడా ఫంక్షన్ చేయ‌కుండా డైరెక్ట్ గా మార్కెట్ లో రిలీజ్ చేసారు. ఈ సినిమా డివైడ్ టాక్ వ‌చ్చిన‌ప్ప‌టికీ సూపర్ సక్సెస్ సాధించింది. ఈ సెంటిమెంట్ తోనే ధృవ ఆడియోను కూడా డైరెక్ట్ గా రిలీజ్ చేస్తున్నార‌ట. మ‌రి...సరైనోడు సెంటిమెంట్ ధృవ‌కి క‌లిసొచ్చి స‌క్స‌స్ ఇస్తుందేమో చూడాలి..!