చరణ్ , బోయపాటి.. ఓ ఐటమ్ సాంగ్
- IndiaGlitz, [Friday,February 02 2018]
మెగాపవర్ స్టార్ రామ్ చరణ్, మాస్ డైరెక్టర్ బోయపాటి శ్రీను కలయికలో ఓ సినిమా తెరకెక్కుతున్న విషయం తెలిసిందే. కైరా అద్వానీ కథానాయిక‌గా నటిస్తున్న ఈ చిత్రంలో బాలీవుడ్ నటుడు వివేక్ ఒబెరాయ్ ప్రతినాయకుడిగా న‌టిస్తున్నారు. టాలీవుడ్ రాక్ స్టార్ దేవిశ్రీ ప్రసాద్ స్వరాలు సమకూరుస్తున్నారు. ఇక చరణ్ కి అన్నా వదినలుగా తమిళ నటుడు ప్రశాంత్, స్నేహ కీలకపాత్రలు పోషిస్తున్నారు.
ఇటీవల మొదటి షెడ్యూల్ ను పూర్తిచేసుకున్న ఈ యాక్షన్ ఎంటర్‌టైన‌ర్‌...ఈ నెల నుంచి రెండవ షెడ్యూల్ ను ప్రారంభించుకోనుంది. ఈ షెడ్యూల్లో చరణ్ ఈ నెల 19 నుంచి నిరవధికంగా చిత్రీకరణలో పాల్గొన‌నున్నారు. ఇదిలా ఉంటే.. స్పెషల్ సాంగ్స్ కి కేరాఫ్‌ అడ్రస్ గా ఉండే బోయపాటి, దేవిశ్రీ .. ఈ చిత్రంలో కూడా ఒక స్పెషల్ సాంగ్ ను చిత్రీకరించే ఆలోచనలో ఉన్నారట. ఇప్పటికే ఈ పాటని దేవిశ్రీ స్వరపరచినట్టు సమాచారం. ఈ పాటలో ఒక టాప్ హీరోయిన్ చేత నర్తింపజేయాలని దర్శకుడు భావిస్తున్నారట. ఇందుకోసం.. ఇప్పటికే పలు టాప్ హీరోయిన్ల పేర్లను కూడా పరిశీలించినట్టు తెలుస్తోంది. మరికొద్ది రోజుల్లో ఆ హీరోయిన్ పేరును కూడా వెల్లడించనుంది చిత్ర బృందం. డి.వి.వి.దానయ్య నిర్మిస్తున్న ఈ చిత్రాన్ని విజయదశమి కానుకగా విడుదల చేయాలని బోయపాటి ప్లాన్ చేస్తున్నారు.