ఖైదీ నెం150 రిలీజ్ డేట్ ఎనౌన్స్ చేసిన చరణ్..!
- IndiaGlitz, [Tuesday,January 03 2017]
మెగాస్టార్ చిరంజీవి న‌టించిన 150 చిత్రం ఖైదీ నెం 150. ఈ చిత్రాన్ని డైన‌మిక్ డైరెక్ట‌ర్ వి.వి.వినాయ‌క్ తెర‌కెక్కించారు. మెగా ప‌వ‌ర్ స్టార్ రామ్ చరణ్ ఈ చిత్రాన్ని కొణిదెల ప్రొడ‌క్ష‌న్ కంపెనీ బ్యాన‌ర్ పై నిర్మించారు. ఇక ఎప్పుడెప్పుడు అని ఎదురు చూస్తున్న ఖైదీ నెం 150 రిలీజ్ డేట్ ను రామ్ చరణ్ ఎనౌన్స్ చేసారు. ఈనెల 11న ఖైదీ నెం 150 చిత్రాన్ని రిలీజ్ చేస్తున్నాం.
ఈనెల 12న బాల‌కృష్ణ గారి గౌత‌మీపుత్ర శాత‌క‌ర్ణి చిత్రం రిలీజ్ అని ఎనౌన్స్ చేసారు. ఖైదీ నెం 150 చిత్రాన్ని 12న రిలీజ్ చేయాలి అనుకున్నాం. అయితే....ఇద్ద‌రు అగ్ర‌హీరోల సినిమాలు ఒకే రోజు రిలీజ్ చేయ‌డం క‌రెక్ట్ కాదు. అందుచేత మేము 11 తారీఖున ఖైదీ నెం 150 చిత్రాన్ని రిలీజ్ చేస్తున్నాం. ఇక ప్రీ రిలీజ్ ఫంక్ష‌న్ ఈనెల 4న విజ‌య‌వాడ‌లో చేయాలి అనుకున్నాం. అయితే...కొన్ని కార‌ణాల వ‌ల‌న ఈనెల 7న విజ‌య‌వాడ హైవే ద‌గ్గ‌ర‌లోని హ‌య్ లాండ్ లో ప్రీ రిలీజ్ ఫంక్ష‌న్ చేస్తున్నాం. ఫ్యాన్స్ అంద‌రూ అన్న‌య్య‌ను మ‌ళ్లీ ఇండ‌స్ట్రీలోకి ఆహ్వానించ‌డానికి ఫంక్ష‌న్ కి రావాలని కోరుకుంటున్నాను అన్నారు.