ఎన్టీఆర్ తో మొదలుపెడుతున్న రకుల్
- IndiaGlitz, [Saturday,October 17 2015]
రకుల్ ప్రీత్ సింగ్‌.. ప్ర‌స్తుతం టాలీవుడ్ ని ఆక‌ర్షిస్తున్నఅందం పేరిది. స్టార్ హీరోల‌తో వ‌రుస సినిమాలు చేస్తూ.. జెట్ స్పీడ్‌తో తెలుగునాట దూసుకుపోతోంది ఈ అమ్మ‌డు. నిన్న‌టికి నిన్న 'బ్రూస్ లీ' కోసం రామ్‌చ‌ర‌ణ్ ప‌క్క‌న అల‌రించిన ఈ చిన్న‌ది.. ప్ర‌స్తుతం ఎన్టీఆర్‌తో 'నాన్న‌కు ప్రేమ‌తో', అల్లు అర్జున్ స‌ర‌స‌న 'స‌రైనోడు' సినిమాలు చేస్తూ బిజీగా ఉంది.
వీటిలో 'నాన్న‌కు ప్రేమ‌తో' సంక్రాంతి కానుకగా విడుద‌ల కానుండ‌గా.. 'స‌రైనోడు' స‌మ్మ‌ర్‌లో సంద‌డి చేసే దిశ‌గా నిర్మాణం జ‌రుపుకుంటోంది. విశేష‌మేమిటంటే.. 'నాన్న‌కు ప్రేమ‌తో' తోనే రకుల్ మొద‌టిసారిగా సంక్రాంతి సీజ‌న్‌లో వెండితెర‌పై ద‌ర్శ‌న‌మివ్వ‌నుంది. ఎన్టీఆర్‌తోనే మొదలుపెడుతున్న ఈ అంకం.. ర‌కుల్‌ని ఏ మాత్రం సంక్రాంతి లక్ష్మీగా మారుస్తుందో చూడాలి.