ஹீரோவாகும் சூர்யா-கார்த்தி பட நடிகையின் சகோதரர்!
- IndiaGlitz, [Monday,February 25 2019]
சூர்யா நடித்து வரும் 'என்.ஜி.கே' மற்றும் கார்த்தி நடித்த 'தீரன் அதிகாரம் ஒன்று', 'தேவ்' ஆகிய படங்கள் உள்பட ஒருசில தமிழ் படங்களிலும் தெலுங்கில் முன்னணி நடிகையாக இருக்கும் ரகுல் ப்ரித்திசிங் சகோதரர் தற்போது ஹீரோவாக ஒரு படத்தில் அறிமுகமாகவுள்ளார்.
ரகுல் ப்ரித்திசிங் சகோதரர் அமன் ஹீரோவாக அறிமுகமாகும் படத்தை தாசரி லாரன்ஸ் இயக்கவுள்ளார். இந்த படத்தின் நாயகியாக மோனிகா ஷர்மா அறிமுகமாகிறார். தெலுங்கில் ஹீரோவாக தற்போதுதான் அறிமுகமானாலும் அவர் ஏற்கனவே 'செடக்சன்' என்ற இந்தி படத்தில் சிஐஏ ஏஜண்ட் கேர்க்டரில் நடித்துள்ளார். ஆனால் அந்த படம் இன்னும் வெளியாகவில்லை என்பது குறிப்பிடத்தக்கது.
அமன், மோனிஷா அறிமுகமாகும் இந்த ரொமான்ஸ் படத்தை ரஜினி பிலிம் கார்ப்பரேஷன் என்ற நிறுவனம் தயாரிக்கவுள்ளது. இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு மிக விரைவில் வெளியாகவுள்ளது