తొలిసారి రకుల్ ప్ర‌య‌త్నం.. వ‌ర్క‌వుట్ అయ్యేనా?
- IndiaGlitz, [Tuesday,July 21 2020]
ఒక‌ప్పుడు తెలుగు, త‌మిళ చిత్రాల‌తో పాటు హిందీ చిత్రాల్లోనూ హీరోయిన్‌గా మెప్పించి గుర్తింపు సంపాదించుకుంది రకుల్ ప్రీత్ సింగ్‌. అయితే ఈ స్టార్ హీరోయిన్‌కు ఇప్పు పెద్ద‌గా అవకాశాలు లేవు కానీ.. ఆమె తన వ్యాప‌కాల‌తో బిజీ బిజీగానే ఉంటోంది. ప్ర‌స్తుతం త‌మిళంలో శివ‌కార్తికేయ‌న్‌, ‘ఇండియ‌న్ 2’ సినిమాల‌తో పాటు తెలుగులో నితిన్‌, చంద్ర‌శేఖ‌ర్ ఏలేటి మూవీలో హీరోయిన్‌గా న‌టిస్తుంది. అలాగే ‘దే దే ప్యార్ దే’ సినిమాలో తన న‌ట‌న‌తో మెప్పించ‌డంతో అజ‌య్ దేవ‌గ‌ణ్ ఈ అమ్మ‌డుని ప్ర‌త్యేకంగా సిఫార్స్ చేసి ‘థాంక్ గాడ్’ సినిమాలో న‌టించే అవ‌కాశం ఇప్పించాడ‌ట. ఈ ఏడాది విడుద‌లైన ఏకైక బాలీవుడ్ చిత్రం సిమ్లా మిర్చి డిజాస్ట‌ర్ అయ్యింది.
అయితే లేటెస్ట్ ట్రెండ్‌కు అనుగుణంగా రకుల్ వెబ్ సిరీస్‌లో న‌టించ‌డానికి ఓకే చెప్పింద‌ట. ఆస‌క్తిక‌ర‌మైన విష‌య‌మేమంటే.. రకుల్ సినీ ఇండ‌స్ట్రీలోకి ఎంట్రీ ఇచ్చి ద‌శాబ్దంపైనే అవుతుంది. ఇప్ప‌టి వ‌ర‌కు చేయ‌ని ఓ డిఫ‌రెంట్ క్యారెక్ట‌ర్ చేయ‌నుంద‌ని టాక్‌. వివ‌రాల మేర‌కు రకుల్ ప్రీత్ సింగ్‌.. వెబ్ సిరీస్‌లో ద్విపాత్రాభిన‌యం చేస్తుంద‌ట. క‌వ‌ల‌లు మ‌ధ్య న‌డిచే క‌థ‌తో ఈ వెబ్ సిరీస్‌ను రూపొందించనున్నార‌ని టాక్‌. మరి రకుల్ తన కెరీర్‌లో తొలిసారి చేయ‌నున్న ప్ర‌య‌త్నం ఎంత మేర‌కు స‌క్సెస్ అవుతుందో చూడాలి.