ర‌కుల్ శ్రీదేవి లుక్ ఎప్పుడంటే...
- IndiaGlitz, [Tuesday,October 02 2018]
ప్ర‌స్తుతం త‌మిళంలో సూర్య‌తో ఎన్‌.జి.కె, కార్తీతో ఓ సినిమా, శివ కార్తీకేయ‌న్‌తో ఓ సినిమా ఇలా వ‌రుస త‌మిళ చిత్రాల‌తో బిజీగా ఉన్న ముద్దుగుమ్మ ర‌కుల్ ప్రీత్ సింగ్ అజ‌య్ దేవ‌గ‌ణ్‌తో క‌లిసి ఓ బాలీవుడ్ సినిమాలో కూడా న‌టిస్తుంది. అయితే ర‌కుల్‌కు ఎంతో ఇష్ట‌మైన టాలీవుడ్‌లో సినిమాలు మాత్రం చేయ‌డం లేదు.
అయితే స్పైడ‌ర్ త‌ర్వాత తెలుగులో ర‌కుల్ చేస్తున్న చిత్రం 'య‌న్‌.టి.ఆర్‌'. దివంగ‌త మాజీ ముఖ్య‌మంత్రి ఎన్టీఆర్ బ‌యోపిక్ 'య‌న్‌.టి.ఆర్‌'లో శ్రీదేవి పాత్ర‌లో ర‌కుల్ ప్రీత్ సింగ్ న‌టిస్తుంది. అందుకోసం ఈ నెలాఖ‌రున ర‌కుల్ లుక్ టెస్ట్ జ‌ర‌గ‌నుంది. ఈ పాత్ర కోసం ర‌కుల్ 10 రోజుల కాల్షీట్ ఇచ్చింది. అలాగే అక్టోబ‌ర్ 10న ర‌కుల్ పుట్టిన‌రోజు కావ‌డంతో అదే రోజున ర‌కుల్ ... శ్రీదేవి లుక్‌ను విడుదల చేయ‌బోతున్నార‌ని ఫిలింన‌గ‌ర్ వ‌ర్గాల స‌మాచారం.