தமிழ், தெலுங்கு என இரண்டு மொழிகளில் பிசியான இளம் நாயகியாக வலம் வரும் ரகுல் ப்ரீத் சிங்கிற்கு கொரோனா பாதிப்பு ஏற்பட்டு இருப்பதாக அவரே தனது இன்ஸ்டாகிராமில் தெரிவித்து உள்ளார். இவர் கார்த்தியுடன் தீரன், சூர்யாவுடன் என்.ஜி.கே உள்ளிட்ட தமிழ் படங்களில் நடித்து பிரபலமானார். மேலும் தெலுங்கு சினிமாவிலும் படு பிசியான நடிகையாக வலம் வருகிறார்.

இவர் தற்போது தன்னுடைய இன்ஸ்டாகிராம் பக்கத்தில் ஒரு தகவலை வெளியிட்டு உள்ளார். அதில் தனக்கு கொரோனா வைரஸ் பரிசோதனை மேற்கொள்ளப்பட்டதாகவும் தனக்கு பாசிட்டிவ் என ரிசல்ட் வந்து இருப்பதாகவும் கூறியுள்ளார்.

இதனால் தன்னை தனிமைப்படுத்திக் கொண்டு இருப்பதாகக் கூறியுள்ள ரகுல், தன்னை சந்தித்தவர்கள் நிச்சயம் டெஸ்ட் எடுத்துக் கொள்ள வேண்டும் என்றும் வேண்டுகோள் விடுத்து உள்ளார். இதேபோல தமிழ், தெலுங்கு என இரண்டு மொழிகளில் முன்னணி நடிகையாக கருதப்படும் தமன்னாவிற்கும் கொரோனா பாதிப்பு ஏற்பட்டது. அவர் தற்போது உடல்நலம் பெற்று விட்டார் என்ற தகவலும் பின்னர் வெளியானது.

View this post on Instagram

A post shared by Rakul Singh (@rakulpreet)