ర‌కుల్ మల్టీస్టారర్...
- IndiaGlitz, [Thursday,December 14 2017]
ఈ ఏడాది విన్న‌ర్, రా రండోయ్ వేడుక చూద్దాం, జ‌య జాన‌కి నాయ‌క, స్పైడ‌ర్‌, ఖాకి చిత్రాల్లో సంద‌డి చేసింది ర‌కుల్ ప్రీత్‌. ఈ అమ్మ‌డుకి ఈ ఏడాదిలో ఐదింట రెండు మాత్ర‌మే పెద్ద హిట్స్ సాధించాయి. స్పైడ‌ర్‌పై పెట్టుకున్న ఆశ‌లు నీరుగారిపోయాయి. అయితే ఏడాది చివ‌ర‌ల్లో ఖాకితో స‌క్సెస్‌ను త‌న ఖాతాలో వేసుకుందీ అమ్మ‌డు.
ఇప్పుడు త‌మిళంలో సూర్య, కార్తీల‌తో సినిమా చేయ‌బోతుంది. కాగా తెలుగులో మల్టీస్టారర్ మూవీలో ర‌కుల్‌ను హీరోయిన్‌గా న‌టింప చేయ‌డానికి ప్ర‌య‌త్నాలు జ‌రుగుతున్నాయి. హ‌రీష్ శంక‌ర్ ద‌ర్శ‌క‌త్వంలో నితిన్‌, శ‌ర్వానంద్ హీరోలుగా ఓ సినిమా తెర‌కెక్క‌నున్న సంగ‌తి తెలిసిందే.
అందులో ఓ హీరోయిన్‌గా ర‌కుల్ క‌నిపిస్తుంది. ఇటీవ‌ల సాయిప‌ల్ల‌వి పేరు కూడా విన‌ప‌డింది. మ‌రి ఇద్ద‌రు హీరోయిన్స్‌ను నిర్మాత‌లు ప్రాజెక్ట్‌లోకి తీసుకుంటారా? లేక మారుతారా? అని తెలియాలంటే వేచి చూడాల్సిందే.