అక్కినేని నాగ‌చైత‌న్య హీరోగా చందు మొండేటి ద‌ర్శ‌క‌త్వంలో మైత్రీమూవీ మేక‌ర్స్ నిర్మిస్తోన్న చిత్రం `స‌వ్య‌సాచి`. ఈ సినిమా వేస‌విలో విడుద‌ల కానుంది. సినిమాలో ఓ స్పెష‌ల్ సాంగ్‌ను చిత్రీక‌రించాల్సి ఉంది. అందుకోసం నాగార్జున హీరోగా న‌టించిన `అల్ల‌రి అల్లుడు` సినిమాలో ‘నిన్ను రోడ్డు మీద చూసినది లగాయత్తు...’ అనే పాటను రీమిక్స్ చేయనున్నారు. 

అప్ప‌ట్లో నాగార్జున స‌ర‌స‌న ర‌మ్య‌కృష్ణ ఈ స్పెష‌ల్ సాంగ్‌లో ఆడిపాడింది. ఇప్పుడు ఇందులో ర‌కుల్ ప్రీత్ సింగ్‌ని న‌టించాలంటూ యూనిట్ సంప్ర‌దించింద‌ని టాక్ వ‌చ్చింది. అయితే ఈ వార్త‌ల‌కు ర‌కుల్ త‌న ట్విట్ట‌ర్ ద్వారా స‌మాధానం ఇచ్చింది.  ‘సవ్యసాచి’లో తాను స్పెషల్ సాంగ్ చేయడం లేదని తేల్చేసింది. ఇప్పుడు రకుల్ ప్రీత్ సింగ్ తమిళంలో హీరో సూర్య, కార్తీలతో సినిమాలు చేస్తుంది.