తెలుగు, త‌మిళ చిత్రాల‌తో పాటు అడ‌పా ద‌డ‌పా హిందీ చిత్రాల్లో న‌టిస్తూ త‌న‌కంటూ ఓ గుర్తింపు సంపాదించుకున్న హీరోయిన్ ర‌కుల్ ప్రీత్ సింగ్‌. ఈ అమ్మ‌డు తాజాగా క్రిష్ ద‌ర్శ‌కత్వంలో రూపొందుతోన్న చిత్రంలో వైష్ణ‌వ్ తేజ్‌తో క‌లిసి న‌టిస్తోంది. ఆస‌క్తిక‌ర‌మైన విష‌య‌మేమంటే.. ఈ చిత్రం జంగిల్‌బుక్ త‌ర‌హాలో ఉండ‌బోతుంద‌ట‌. జంతువులు కూడా ఈ సినిమా ప్ర‌ధాన భూమిక పోషిస్తాయ‌ని అంటున్నారు. సింగిల్ షెడ్యూల్‌లో 40 రోజుల పాటు వికారాబాద్ అడవుల్లో చిత్రీక‌ర‌ణ జ‌ర‌ప‌నున్నారు. అక్టోబ‌ర్‌కంతా సినిమా షూటింగ్‌ను పూర్తి చేసేలా ప్ర‌ణాళిక‌లు వేసుకున్నారు క్రిష్‌.

తాజా స‌మాచారం మేర‌కు ర‌కుల్ ఈ సినిమాలో డీ గ్లామ‌ర్ పాత్ర‌ను పోషిస్తుంద‌ట‌. వివ‌రాల మేర‌కు ఈ చిత్రంలో ర‌కుల్ రైతు కూలీగా క‌నిపిస్తుంద‌ని స‌మాచారం. ఒక‌ప్పుడు తెలుగు, త‌మిళ చిత్రాల‌తో పాటు హిందీ చిత్రాల్లోనూ హీరోయిన్‌గా మెప్పించి గుర్తింపు సంపాదించుకుంది ర‌కుల్ ప్రీత్ సింగ్‌. అయితే ఈ స్టార్ హీరోయిన్‌కు ఇప్పు పెద్ద‌గా అవ‌కాశాలు లేవు కానీ.. ఆమె త‌న వ్యాప‌కాల‌తో బిజీ బిజీగానే ఉంటోంది. ప్ర‌స్తుతం త‌మిళంలో శివ‌కార్తికేయ‌న్‌, ‘ఇండియ‌న్ 2’ సినిమాల‌తో పాటు తెలుగులో నితిన్‌, చంద్ర‌శేఖ‌ర్ ఏలేటి మూవీలో హీరోయిన్‌గా న‌టిస్తుంది. అలాగే ‘దే దే ప్యార్ దే’ సినిమాలో త‌న న‌ట‌న‌తో మెప్పించ‌డంతో అజ‌య్ దేవ‌గ‌ణ్ ఈ అమ్మ‌డుని ప్ర‌త్యేకంగా సిఫార్స్ చేసి ‘థాంక్ గాడ్’ సినిమాలో న‌టించే అవ‌కాశం ఇప్పించార‌ట‌.